Berriak Ingurumena eta Lurralde Politika
Eu

EuskalHiria kongresua 2016: LAG´en Berrikuspenaren Aurrerapena: Lurralde Eredu Berria; Lurraldea 2040

2016.eko urriak 05
  • Azaroak 21/22,  Centro Carlos Santamaría Zentroa, Donostia, Gipuzkoa

 

 

1997an behin betiko onartu ziren Lurralde Antolamenduaren Gidalerroak berrikusteko prozesuaren baitan, Euskal Hiria 2015 Kongresuaren ostean, erakundeek eta gizarteak Berrikuspenaren Oinarrizko Dokumentuan parte hartzeko epea zabaldu da; horren ondorioz, eztabaida aberasgarria piztu ez ezik, Kongresu honetan aurkezten den Gidalerroen Aurrerapenaren idazketa ere sortu da. Dokumentu hori Euskal Herriko Lurralde Antolakuntzari buruzko maiatzaren 31ko 4/1990 Legean ezarritakoarekin bat bideratu nahi da.

 

Aurrerapen honek maila horretako lurralde-antolamenduaren dokumentu bati eskatu ahal zaizkion lurraldearen arloko hausnarketa eta erronkak jasotzen ditu, proposatutako lurralde-ereduaren osagaiak, hala nola: zeharkako gaiak (klima-aldaketaren erronka, genero ikuspegia, osasuna, euskara, irisgarritasun unibertsala eta lurralde interrelazioa ); paisaia, espazio gradatuei arreta berezia eskainita; azpiegitura berdea eta ekosistemen zerbitzuak, naturaguneak babesteko ohiko politikarekiko aurrerapen gisa; landa-ingurunea eta horren erronkak; hiri-habitata, finkatutako hirian eta trantsizioan diren espazioetan gauzatzen diren jarduketei arreta berezia eskainita; mugikortasun jasangarria; baliabideen kudeaketa jasangarria (ura, energia eta ekonomia zirkularra); eta, azkenik, gobernantza, koordinazio administratiboan zein jasangarritasun eta ebaluazio edo jarraipenari buruzko adierazleetan oinarrituta.

 

Gidalerroen berrikuspenaren tramitazioa sendotzeko testuinguruan, Euskal Hiria 2016 Kongresua Aurrerapenaren etapa berri bati bidea emateko aukera da; aurreikusitakoari jarraikiz, horrek 2017ko hurrengo kongresura arte iraungo du.

 

Oraindik ez dago iruzkinik
  • Faceless avatar thumb 70
    Zerbait esan nahi duzu?… iruzkindu albiste hau
Komunikabideek behera kargatzeko
Ekitaldiko kargudunak
(X legealdia 2012 - 2016)