Berriak Ingurumena eta Lurralde Politika
Eu

Burdinbidearen Euskal Museoak datorren asteburuan lurrunezko hiru tren zirkulazioan jarriko ditu

2016.eko uztailak 27

Abuztuaren 2tik, asteartetik, aurrera tren historikoen eskaintza handiagotu egingo da eta horretarako asteartetik ostiralera, lan egunetan, diesel zirkulazioak egongo dira eta lurrunezko trakziozko zirkulazioak larunbat eta igandeetan

Eusko Jaurlaritzaren esku dagoen Ingurumen eta Lurralde Politika Sailaren esku dagoen Euskotreneko Burdinbidearen Euskal Museoak, datorren asteburuan lurrunezko hiru tren zirkulazioan jarriko ditu. Horrez gain, Museoak abuztuan zehar tren historikoen eskaintza zabalduko du eta lanegunetako asteartetik ostiralera diesel zirkulazioak egongo dira eta lurrunezko trakziozko zirkulazioak larunbat eta igandeetan.

Datorren asteburuko lurrunezko trenak Museotik (Azpeitia) Lasaora ondorengo ordutegia izango dute:

  • Larunbata, uztailak 30: 12:30ean eta 18:00etan.
  • Igandea, uztailak 31: 12:30ean.

Azpeitiko Museoa eta Lasao arteko tren historikoen eskaintza abuztuaren 2an, asteartean sartuko da indarrean eta ondorengo ezaugarriak izango ditu:

  • DIESEL TRENAK: zirkulazioak asteartetik ostiraleko lanegunetan 12:30ean eta 18:00etan.
  • LURRUNEZKO TRENAK: zirkulazioak larunbatetan 12:30ean eta 18:00etan, eta igandeetan 12:30ean.

Museoko instalazioen udako ordutegia ondorengoa da:

  • Asteartetik larunbatera: 10:30etik 14:00etara; eta 16:00etatik 19:30era.
  • Igandeak eta jaiegunak (astelehenak izan ezik): 10:30etik 14:00etara.

 

Burdinbidearen Euskal Museoak Europako tren bildumarik hoberenetariko bat dauka, mota askotako ibilgailuekin: lurrunezko, diesel eta elektriko tren-makinak; automotoreak eta bagoi mota desberdinak. Era berean, Museoak Euskadiko makina-tresna multzorik osatuena eskaintzen du, Urolako Trenbidearen antzinako tailer mekanikoaren bidez. Horrez gain, XIX. mende bukaeratik trenbidean erabilitako uniformeen erakusketa dago eta baita munduko trenbide erlojuen bildumarik hoberenetarikoa ere.

Horrez gain, aurten jardueren eskaintzan ondorengo ekimena dago “EGUN BATEZ SUGINA”: Azpeitia eta Lasao (Gipuzkoa) artean dagoen lurrunezko zerbitzuaren tren-makina baten kabinan bidaiatzeko aukera.

Ekintza berri hau lurrunezko trenen 2016ko denboraldiko igande guztietan eskaintzen da. Esperientzia bakar honetan parte hartu ahal izateko, interesa duten pertsonek dagokion erreserba gutxienez aukeratutako eguna baino 72 ordu arinago burutu beharko dute, betiere posta elektronikoz ondorengo helbide honetara zuzenduta museoa@euskotren.eus. Behin erreserba baieztatuta, bidaiaren egunean prestakuntza eta beharrezko hornikuntza hartuko dute, une osoan zehar segurtasuna bermatzeko. Ondoren, makinariari eta suginari lagun diezaioke lurrenezko tren-makina martxan jartzeko beharrezko prestaketa guztiak burutzen duten bitartean, eta baita Azpeitia – Lasao ibilbidearen joan-etorriko bidaia osoan ere tren-makina horren kabinan joan ahal izango dira. Ekimen berezi honen prezioa 50 euro da. Egun bakoitzean bakarrik parte-hartzaile bat onartuko da.

Jendearentzako informazioa

  • Burdinbidearen Euskal Museoaren helbidea: Julian Elorza kalea, 8 (20730 AZPEITIA-GIPUZKOA).
  • Informazio telefonoa: 943 15 06 77
  • Faxa: 943 15 07 46
  • Helbide elektronikoa:museoa@euskotren.eus
  • Webgunea: www.euskotren.eus
Oraindik ez dago iruzkinik
  • Faceless avatar thumb 70
    Zerbait esan nahi duzu?… iruzkindu albiste hau
Komunikabideek behera kargatzeko