Berriak Hezkuntza, Hizkuntza Politika eta Kultura
Eu

Hizkuntza aniztasuna sustatzeko Sare Europarraren (NPLD) presidente Patxi Baztarrika, Hezkuntza, Kultura, Kirol eta Gazteriaren Komisario Tibor Navracsics-ekin elkartu da

2016.eko uztailak 14

Hizkuntza Aniztasuna Sustatzeko Sare Europarraren (NPLD) presidente eta Hizkuntza Politikarako sailburuorde Patxi Baztarrikak bilera izan du gaur goizean Bruselan Hezkuntza, Kultura, Kirol eta Gazteriaren Komisario Tibor Navracsics-ekin. Izan ere, Baztarrika, NPLD sare europarra eleaniztasunaren gainean garatzen ari den ekintzei buruz aritu da bileran. Bilera NPLDko presidente Baztarrikak eskatu du.

 

“NPLDren jarduera ildo nagusiak Europako Batzordearen jarduera ildo nagusiekin bat datoz”. Hauek izan dira Hezkuntza, Kultura, Kirol eta Gazteriaren Komisario Tibor Navracsics-en hitzak NPLDren presidente Patxi Baztarrikarekin Bruselan izandako bileran. Bilera horrek –NPLDko presidentearen lehendabiziko bilera izan da Komisarioarekin- NPLD sareak hizkuntza konstituzionalak, eskualde hizkuntzak eta estatu txikietako hizkuntzak sustatu eta laguntzeko lanetan egiten ari den lana ezagutzeko balio izan du.

 

Baztarrikak Europako Hizkuntza Aniztasunerako Bide Orria aurkeztu dio Komisarioari. Bide Orri honek –NPLD sareak Europako Parlamentuan aurkeztu zuen Bide Orria duela hilabete gutxi- datozen urteetan NPLD sareak garatuko dituen lan eta ekintzak jasotzen ditu. Gainera, aipatzekoa da Bide Orria 14 Estatu mailako eta eskualde mailako gobernuren, zenbait unibertsitateren eta elkarteren artean adostu dela. “Bide Orria abiarazten lagundu dezakegu eta kooperaziorako bideak ireki ditzakegu”, esan du Navracsics Komisarioak.

 

Baztarrikak, Europako agintarien partetik eleaniztasunaren gainean interesa apaltzen ari bide dela azaldu du eta aipatu du Europar Batasunean ofizialak ez diren zenbait hizkuntza –euskara, katalana, galesera, galegoa, korsikera…- Juvenes Traslatores edota IATE-ren datu base terminologikoa bezalako programa europarren barruan ez daudela. “Europako biztanleriaren txeragabetasuna handitzen doan honetan, oso garrantzitsua da Europak neurri politiko inklusiboagoak hartzea, komunitate linguistiko guztiek tokia izan dezaten eta proiektu europarrean berdintasunean parte hartu dezaten”, aipatu du Baztarrikak.

 

Navracsics Komisarioa irekia azaldu da Baztarrikak egin dituen eskaeren aurrean eta aurreratu du Europako Batzordearen datorren urteko lehentasunetako bat izango dela debatea sortzea goi mailako hezkuntzak duen garrantziaz hizkuntzen eta kulturen sustapenean. Izan ere, hizkuntzak eta kulturak motor ekonomikoaren, gizarte kohesioaren eta eskualde garapenaren iturri dira. 

 

 

 

 

 

 

 

 

Zer da NPLD sarea?

 

Hizkuntza Aniztasuna Sustatzeko Sare Europarra (NPLD, ingelesez) hizkuntza konstituzionalez, eskualdeetako hizkuntzez edota estatu txikietako hizkuntzez osatutako sare europarra da eta eleaniztasun inklusiboa sustatzea du helburu. Mota askotako hizkuntzak hartzen ditu barruan: maila europarrean eta estatu mailan ofizialak diren hizkuntzak, –irlandera edota suediera, adibidez-, maila erregionalean partekatutako ofizialtasun erregimenean erabiltzen direnak –euskara, galesera, katalana…- eta babes gutxiago dutenak –bretainiera eta okzitaniera, beste batzuen artean-.  

 

Nahiz eta heterogeneoak izan, NPLDko hizkuntza erkidego guztiek helburu komun bat duten hizkuntza txiki edota ertainak ordezkatzen dituzte. Helburu hau da Europako hizkuntza guztiak aintzat hartzen dituen eleaniztasun inklusiboa sustatzea eta, euren estatusa edozein delarik ere, hizkuntza guztiek garapenerako eta aurrera egiteko aukera izatea.

 

NPLD sarea 2007an sortu zen eleaniztasunaren esparruan ahots europar bat izateko beharrak eraginik. Gaur egun, eskubide osoko 14 kide -gehien-gehienak gobernu erregionalak, organismo publiko erregionalak edota estatu gobernuak (Irlanda) dira- eta 22 kide asoziatu –Europako zenbait herrialdetako unibertsitateak edota eremu urriko hizkuntzen sustapenean lan egiten duten elkarteak dira- ditu.  

 

NPLD sareak aurrera eramango duen lana Europako Hizkuntza Aniztasunerako Bide Orriak markatzen du. Bide orri honen helburu nagusia da Europar Batasunaren hizkuntza aniztasunaren aldeko konpromisoa berrestea eta, segurtatzea, aldi berean, Europan erabiltzen diren hizkuntza guztiak laguntza eta sustapena behar duten balio komun bezala kontsideratu daitezela.

 

NPLD sarearen kideak:

 

oEskubide osoko kideak

 

Erakundea

Hizkuntza

Estatu Kidea

Irlandako gobernua

Gaelikoa

Irlanda

Finlandiako suediarren biltzarra

Suediera

Finlandia

Bretainieraren Erakunde Publikoa

Bretainiera

Frantzia

Korsikako Gobernua

Korsikera

Frantzia

Galiziako Xunta

Galiziera

Espainia

Kataluniako Generalitatea

Katalana

Espainia

Valentziako Gobernua

Katalana

Espainia

Frisiako Gobernua

Frisiera

Herbehereak

Galeseko Gobernua

Galesera

Erresuma Batua

Eusko Jaurlaritza

Euskara

España

Bizkaiko Foru Aldundia

Euskara

España

Nafarroako Gobernua

Euskara

España

Trento Probintziako Gobernua

Ladinoa

Italia

Friuli Venezia Giuliako Gobernua/Friulierarentzako Agentzia

Friuliera

Italia

 

 

 

 

 

 

 

NPLD sarearen kide asoziatuak

 

Erakundea

Hizkuntza

Estatu Kidea

Fryske Akademy

Frisiera

Herbehereak

EDESSA Macedonian Education and Culture in Greece

Mazedoniera

Grezia

Bangor University

Galesera

Erresuma Batua

Glór Na nGael

Gaelikoa

Irlanda

URDD Gobaith Cymru

Galesera

Erresuma Batua

Cornish Language Partnership

Kornubiera (Cornualles)

Erresuma Batua

Europeesk Buro Foar Lytsen Talen (EBLT)

Frisiera

Herbehereak

Hecla Consulting

Gaelikoa

Erresuma Batua

Iaith Cyf

Galesera

Erresuma Batua

Welsh National College

Galesera

Erresuma Batua

Aurten Bai

Euskara

Espainia

Cardiff University

Galesera

Erresuma Batua

Noregs Mallag

Nynorsk

Noruega

Institut d’Estudis Occitans

Okzitaniera

Frantzia

University of the Highlands and Islands/Soillse

Gaelikoa

Erresuma Batua

Stockholm University

Suediera

Suedia

The Archives of the Swedish Finns

Suediera

Finlandia

Conseil départemental du Finistère

Bretainiera

Frantzia

Soziolinguistika Klusterra

Euskara

Espainia

Convergéncia Occitana

Okzitaniera

Frantzia

University of Wales

Galesera

Erresuma Batua

Welsh Language Initiative

Galesera

Erresuma Batua

 

 

2 iruzkin
  • Faceless avatar thumb 70
    Zerbait esan nahi duzu?… iruzkindu albiste hau
  • @CamiladeEpalzaA
    2016.eko uztailak 14

    Comentario de Twitter:
    RT @Irekia: Patxi Baztarrika sailburuordea Hezkuntza, Kultura, Kirol eta Gazteriaren Komisario Tibor Navracsics-ekin elkartu da➡ https://t.…

  • @CamiladeEpalzaA
    2016.eko uztailak 14

    Comentario de Twitter:
    RT @Irekia: Patxi Baztarrika se ha reunido con el Comisario de Educación, Cultura, Juventud y Deporte, Tibor Navracsics ➡ https://t.co/yzIs

Komunikabideek behera kargatzeko
Ekitaldiko kargudunak
(X legealdia 2012 - 2016)
Beste gonbidatu batzuk
  • Tibor Navracsics, Hezkuntza, Kultura, Kirol eta Gazteriaren Komisarioa