Onartu da Jendaurreko Ikuskizunen eta Jolas Jardueren Euskal Kontseilua arautzen duen dekretua (Gobernu Bilera 2016-07-07)

Gobernuko Kontseiluak Segurtasun Sailak eskatuta, gaur onartu du Jendaurreko Ikuskizunak eta Jolas Jarduerak arautzen dituen dekretua. Kontseilua Euskadiko administrazio publikoaren aztertze, koordinatze eta aholkatze organo aholku-emailea da Ikuskizun eta Jolas Jarduerei buruzko abenduaren 23ko 10/2015 Legeak arautzen dituen gaietan.

Lege berriak ekarritako hobekuntza-berritasunen artean, aipatzekoa da Ikuskizunetarako Euskal Kontseiluak duen rol zabalagoa eta parte-hartzaileagoa. Erakunde horretan, Euskal Autonomia Erkidegoko Administrazioa, lurralde historikoetako udalak eta Euskadiko Udalen Elkartea egongo dira ordezkatuta. Gainera, kontseilu berri horrek, lehenengo aldiz hartuko ditu barnean dagokion sektore ekonomikoaren interesak azaltzen dituzten erakundeak, baita Kontsumitzaile eta Erabiltzaileen Defentsarako Elkarteak ere.

Honako hauek izango dira Jendaurreko Ikuskizunen eta Jolas Jardueren Euskal Kontseiluaren betekizunak:

a)  Jendaurreko Ikuskizun eta Jolas Jardueren gainean emango diren xedapen orokorren proiektuei buruzko nahitaezko txostena igortzea.

b) Jendaurreko Ikuskizunen eta Jolas Jardueren inguruan, Euskal administrazio publikoek garatu beharreko jardueren koordinazioa sustatzea.

c) Aholkua ematea, Legea aplikatzekoa den esparruko gaiei dagokienez, kontseiluan ordezkaturik dauden arlo eta erakundeek eskatzen dioten heinean.

d) Proposamenak egitea eta txostenak igortzea Jendaurreko Ikuskizunak eta Jolas Jarduerak arautzen dituzten xedapenen interpretazio, aplikazio eta aldaketen inguruan.

e) Gomendioak egitea, autonomia-agintaritzaren eta tokiko agintaritzaren esku-hartze administratiboa hobetzeko; legea arautzen duten helburu-gaiak kontuan hartuta.

f) Egokitzat jotzen diren azterketak eta proposamenak egitea, Legean jasotzen diren helburuak ahalik eta hoberen gauzatzeko.

g) Helburuak eta irizpideak proposatzea, Jendaurreko Ikuskizunen eta Jolas Jardueren ikuskaritza planak eta programak egiteko.

h) Ikuskizun gaietan eskumenduna den Eusko Jaurlaritzaren zuzendaritzak  sektorearen egoerari eta bilakaerari buruz urtero egingo duen memoria, hala badagokio, eztabaidatu eta onetsi.

i) Bestelako xedapen arau-emaileetan esleitzen zaizkien betekizunak, zeinahi direlarik ere.

Eraketari dagokionez, honako hauek osatzen dute Kontseilua:

a) Lehendakaria:  Jendaurreko Ikuskizunen eta Jolas Jardueren inguruan eskumena duen Eusko Jaurlaritzaren Saileko sailburuordea.

b) Lehendakariordea: Jendaurreko Ikuskizunen eta Jolas Jardueren inguruan eskumena duen Eusko Jaurlaritzako Zuzendaria.

c) Batzordekideak.

- Segurtasunerako eskumena duen Departamentuak bi pertsona izendatzen ditu; polizia, larrialdi eta babes zibileko erantzukizunak dituztenak.

- Eusko Jaurlaritzako Departamentuek izendatutako sei pertsona; kultura, kirol, hezkuntza, industria osasun publiko eta turismo kontuetan eskumena dutenak.

- Kontsumoko Euskal Institutuak, Kontsumobidek, izendatutako pertsona bat.

- Lurralde Historikoetako hiriburu bakoitzak izendatutako pertsona bat

- Ordezkaritza maila handiena duen Euskadiko Udal Elkarteak izendatutako hiru pertsona.

- Euskal Herriko Merkataritza, industria, zerbitzu eta nabigazioko ganbera ofizialek elkarrekin, edo eratu ziren unean Ganbera Kontseiluek izendatutako pertsona bat.

- Ikuskizunen eta Jolas Jardueren gaietan eskumena duen zuzendaritzaren proposamenez, eta dagokion sektore ekonomikoan ordezkaritza maila handiena dutenak direla ikusirik, sektore erakunde horiek izendatutako hiru pertsona.

- Ikuskizunen eta Jolas Jardueren gaietan eskumena duen zuzendaritzaren proposamenez, eta dagokion sektore ekonomikoan ordezkaritza maila handiena dutenak direla ikusirik, sektore erakunde horiek izendatutako hiru pertsona.

d) Idazkaria: Kontseiluko idazkaritzaren ardura duen pertsona, Jendaurreko Ikuskizunen eta Jolas Jardueren gaietan eskumena duen Saileko funtzionario bat izango da; hitza duena, baina ez botoa.

Jendaurreko Ikuskizunen eta Jolas Jardueren Euskal Kontseilua ohiko bilkuran elkartuko da; gutxienez, urtean behin.