Tapiak energia berriztagarriak eta Smart grids-ak izan ditu aztergai DOE-n.

Eusko Jaurlaritzako Ekonomiaren Garapen eta Lehiakortasuneko sailburua, Arantxa Tapia, “RENEWABLE ENERGY & SMART GRIDS SECTORIAL MEETING” topaketan euskal ordezkaritzaren buru izan da Washingtoneko DOEren egoitzan (Department of Energy) eta besteak beste, Roland Risser, Deputy Assistan Secretary-rekin elkartzeko aukera izan du.

Bertan, euskal instituzio eta enpresen ordezkaritza zabalak hartu du parte (Ibedrola, Gamesa, Tubos Reunidos, Lointek, Arteche, Ormazabal, Velatia, Ingeteam, Energy cluster). Aukera izan dute Estatu Batuetako energia sektorearen ezaugarriak eta etorkizuneko erronkak aztertzeko, eta euskal konpainiekin kolaboraziorako eta elkarlanerako esparruak bilatzeko.