Berriak Enplegua eta Gizarte Politikak
Eu

Ángel Toña, Eusko Jaurlaritzako Enplegu eta Gizarte Politiketako sailburua: «Hirugarren sektore sozialari buruzko legea elkarteek egindako lanari emandako errekonozimendua da»

2016.eko ekainak 27
(*) Azpititulazio-zerbitzu hau sortzen da probetako software bertsio batekiko automatizatutako eran. Barka itzazue akatsak.

Eusko Jaurlaritzako Enplegu eta Gizarte Politiketako sailburu Ángel Toñak pasa den maiatzean Legebiltzarrean onartu zen lege berriaren alderdi azpimarragarrienak azaldu dizkie hirugarren sektore sozialeko elkarteei, horien jarduna arautzen duenez.

 

Hirugarren sektore sozialeko ehun elkartek baino gehiagok, tartean, eskuarki gizarte-zerbitzuen esparruan dihardutenak eta gizarte-politikako beste esparru batzuetakoak (enplegua, gizarteratzea, etab.), Eusko Jaurlaritzako Enplegu eta Gizarte Politiketako sailburuaren ahotik ezagutu dituzte maiatzaz geroztik Euskadin 35.000tik gora pertsona enplegatzen dituen sektorea arautzeko legearen alderdi nagusiak.

Jaurlaritzaren egoitzan, Lakuan, egin dute ekitaldia gaur goizean. Ángel Toñak nabarmendu duenez, 6/2016 Legea «hirugarren sektore sozialak gizarte justuago, solidarioago, kohesionatuago eta parte-hartzaileagoa eraikitzearen alde Euskadin egindako lanaren errekonozimendua da». 

Zaurgarritasun, bazterketa, babesgabetasun, desgaitasun edo mendekotasun egoeran dauden pertsonen, familien eta kolektiboen gizarteratzea eta eskubideak egiaz baliatu ahal izatea xede duten irabazi asmorik gabeko erakunde sozialek osatzen dute hirugarren sektore soziala. Euskadin, orotara, 3.000 erakunde dira, 125.000 boluntario aritzen direnak.

«Legeak euskal BPGren % 2 mugitzen duen sektore horren eraketa errazteko helburua du, sareak eta elkarteak identifikatuz», gaineratu du Ángel Toñak. Sektorea eratzeak, sendoago egiteaz gain, aukera emango du erakundeen beraien eta sektore publikoaren nahiz enpresa pribatuen arteko lankidetza sustatzeko neurriak garatzeko.

Maila ekonomikoari dagokionez, Eusko Jaurlaritzak, hirugarren sektore soziala laguntzeko, 5,08 milioi euro bideratzea onartu du aurten. Kopuru horren bidez, elkarteok esku-hartze sozialen esparruan egindako jarduerak sustatuko dira, pertsonekin, familiekin, taldeekin eta komunitateekin esku-hartzekoak eta ekinbide boluntarioa eta elkarte-partaidetza sendotzekoak barne. 

29 iruzkin
  • Faceless avatar thumb 70
    Zerbait esan nahi duzu?… iruzkindu albiste hau
  • @caritas_bizkaia
    2016.eko ekainak 27

    Comentario de Twitter:
    RT @Irekia: “La ley del tercer sector social es un reconocimiento al trabajo que realizan las organizaciones” ➡ https://t.co/kVqjrHSgd6

  • @GEZKI_
    2016.eko ekainak 27

    Comentario de Twitter:
    RT @Gorabide: Angel Toña: “La ley del tercer sector social es un reconocimiento al trabajo de las organizaciones” https://t.co/JOrraeziCT @…

  • @OTSBizkaia
    2016.eko ekainak 27

    Comentario de Twitter:
    RT @Gorabide: Angel Toña: “La ley del tercer sector social es un reconocimiento al trabajo de las organizaciones” https://t.co/JOrraeziCT @…

  • @Gorabide
    2016.eko ekainak 27

    Comentario de Twitter:
    Angel Toña: “La ley del tercer sector social es un reconocimiento al trabajo de las organizaciones” https://t.co/JOrraeziCT @Irekia @Gob_eus

Ekitaldiko kargudunak
(X legealdia 2012 - 2016)