Gasteizko tranbiarako irisgarritasuna hobetzea: Abetxukoko eta Kañabentako baliogabetzaileak aldatuta

EJ 16 06 15

Tranbiak Abetxukon eta Kañabentan dituen geltokietako baliogabetzaileak aldatu egin dituzte. Aldaketa horiek Eusko Jaurlaritzako Ingurumen eta Lurralde Politika Sailak nasetako irisgarritasuna hobetzeko hasitako lanen barruan egin dira. Bart gauean, gurpil-aulki motorizatu modernoen sarrera zaildu zezaketen eserlekuak ere kendu dituzte bi puntuetan. 

Joan den ostegunean jada bukatu zituzten nasa bakarreko Ibaiondo eta Landaberde geltokietako lanak. Eusko Jaurlaritzako Garraio Azpiegituren zuzendari Almudena Ruiz de Angulok azaldu duenez, «gaur arte, hiru adarretako geltoki guztietako alderdi elektrikoa hobetu da. OPPIaren eta lurreko argiztapenaren konexioa kendu da eta goiko partetik konektatu da». 

Gaur gauean, OPPIak edo alboetako panelak kentzeko lanekin jarraituko dute, tranbiaren hiru adarretako hainbat geltokitan