Eusko Jaurlaritzak diruz lagunduko du VIA, Gasteizko aireportuaren sustapenerako sozietatea, Arabako aireportuan merkataritza- eta turismo-jarduerak sustatzeko

• Bi milioi euro bideratuko ditu lau urtetan Estatu barneko eta atzerriko helmugetarako bidaiari-jarduera erregularretara

Gobernu Kontseiluak diru-laguntza zuzena emango dio VIA, Gasteizko aireportuaren sustapenerako sozietateari, Arabako eta Euskal Autonomia Erkidegoko aireportuetan merkataritza- eta turismo-jardueren sustapena finantzatzeko. Bi milioi euro bideratuko ditu lau urtetan Estatu barneko eta atzerriko helmugetarako bidaiari-jarduera erregularretara.

Diru-laguntza zuzena, koiunturala eta beste pertsona fisiko edo juridiko batzuek helburu berdinerako eman ditzaketen laguntzekin edo diru-laguntzekin bateragarria da. Horien zenbatekoa, gehi aipagai dugun diru-laguntzarena, gehienez ere Arabako eta Euskadiko aireportuetan merkataritza- eta turismo-jardueren sustapena finantzatzeko behar dena adinakoa izango da.

Diru-laguntza gehienez bi milioi eurokoa izango da eta honela ordainduko da datozen urteetan:  2016: 10.000 euro, 2017: 490.000 euro, 2018: 500.000 euro, 2019: 500.000 euro, 2020: 500.000 euro

 Diru-laguntzaren onuraduna VIA, Gasteizko aireportuaren sustapenerako sozietatea izango da, baldin eta izaera bereko laguntzen edo diru-laguntzen esparruan hasitako edozein itzultze- edo zehapen-prozeduraren batean ez badago eta, diru-laguntza edo laguntza publikoen arloan arau-hauste administratibo bat dela medio ezarritako zehapen baten ondorioz, Euskal Autonomia Erkidegoko aurrekontuen konturako diru-laguntzak edo laguntzak eskuratzea galarazten duen debekuren baten pean ez badago.