Jaurlaritzak «gizarte intereseko» izendatu du ADSIS FUNDAZIOA (Gobernu Bilera 2016-06-07)

Enplegu eta Gizarte Politiketako sailburu Angel Toñak proposatuta, Jaurlaritzak, gaur bilduta, «interes sozialeko» izendatu du ADSIS FUNDAZIOA (EUSKADI).

Irabazi asmorik gabeko erakunde hori 1996an eratu zen, premia handiena duen gizarte-kolektiboari, batez ere egokitu ezinik edo marjinazio-egoeran dauden kolektiboei bideratutako mota guztietako gizarte-zerbitzuak sustatzeko eta eskaintzeko. 2008az geroztik etengabe jardun dela egiaztatu du.

Erakunde bat interes sozialeko izendatzea Eusko Jaurlaritzaren Enplegu eta Gizarte Politiketako sailak emandako urriaren 7ko 424/2013 dekretuak arautzen du. Interes sozialeko izendatuta, erakunde horiek autonomia-erkidegoko gizarte-zerbitzuen esparruan izandako ibilbidea eta egindako lana aintzatetsi da. Hala, lehentasuna izango dute euskal administrazio publikoen diru-laguntzetan.

Araudiak zehaztutakoaren arabera, erakundeak interes sozialeko izendatzeko, beharrezkoa da, gizarte-zerbitzuak eskaintzeaz eta irabazi-asmorik gabekoak izateaz gain, langileen % 40k kontratu mugagabea izatea.