Berriak Enplegua eta Gizarte Politikak
Eu

Enplegu eta Gizarte Politiketako Sailak 36 EEE izapidetu zituen apirilean

2016.eko maiatzak 20

Apirilean, Eusko Jaurlaritzako Enplegu eta Gizarte Politiketako Sailak enplegu-erregulazioko 36 espediente izapidetu zituen; hau da, aurreko hilean baino % 20 gutxiago eta 2015eko apirilean baino % 35 gutxiago. Espedienteek 469 langileri eragin zioten: 364ri, aldi baterako kontratu-etete gisa; 92ri, lanaldi-murrizketa moduan, eta 13ri, kontratu-hutsalketagatik (kaleratze kolektiboak).

Izapidetutako 36 espedienteetatik 22 etete-espedienteek 324 langileri eragin zioten (aurreko hilean baino % 41 gutxiagori); lanaldi-murrizketako 11 espedienteek 92ri (% 33 gutxiagori); eta 3 hutsaltze-espedienteek 13 langileren kaleratze kolektiboa ekarri zuten (aurreko hilean baino % 79 gutxiago).

Apirilean ez da izapidetu erregulazio-espedienterik lehen sektorean, eta beste ekoizpen-sektoreetan aurreko hilen antzeko kopuruetan egon dira: Eraikuntza (% 15), Industria (% 47) eta Zerbitzuak (% 38).

Azkenik, gaur egun 386 etendura- eta murrizketa-espediente daude indarrean guztira, eta 4.292 langile daude horien eraginpean. Aurreko hiletan bezala, Arabako Lautadak, Bilbo Handiak eta Donostialdeak dute kokagune txarrena alderdi horretan.

Oraindik ez dago iruzkinik
  • Faceless avatar thumb 70
    Zerbait esan nahi duzu?… iruzkindu albiste hau