Berriak Herri Administrazioa eta Justizia
Eu

Josu Erkorekak auzitegiko psikologoen lana azpimarratu du, prozesu judizial askotan testigantza gakoa eurena delako

2016.eko maiatzak 21
  • Herri Administrazio eta Justiziako sailburuak eman dio itxiera autonomia-erkidego guztietako profesionalak kide diren Auzitegiko Psikologoen Elkartearen urteko biltzarraren laugarren edizioari.
  • EAEn, Eusko Jaurlaritzak epaitegien esku jartzen ditu Balorazio Forentse Integralerako Unitateak eta Talde Psikosozial Judizialak, 20 auzitegiko psikologo inguru ari direnak lanean.
  • 2015ean, talde horiek ea 10.000 pertsona artatu zituzten eta 5.000tik gora peritu esku-hartze egin zituzten Euskadiko Justizia Administrazioan.

 

Eusko Jaurlaritzako bozeramaile eta Herri Administrazio eta Justiziako sailburu Josu Erkorekak eta Justiziako zuzendari Manuel Valínek parte hartu dute azken hiru egunetan Donostiako Atotxako Justizia Jauregian egin den Justizia Administrazioko Auzitegiko Psikologoen Elkartearen IV. Biltzarraren itxiera-ekitaldian.

Josu Erkorekak auzitegiko psikologoek prozesu judizialetan egiten duten lanaren garrantzia nabarmendu du. Esan duenez, horien txostenak eta peritu-balorazioak lotesleak ez diren arren, gehienetan, testigantza gakoak izaten dira epaitegiek erabaki bat edo bestea hartzeko. Izan ere, normalean, epaiek profesionalen zinpeko testigantzak berresten dituzte.

Herri Administrazio eta Justiziako sailburuak azaldu duenez, Eusko Jaurlaritzak gutxi gora behera 20 auzitegi-psikologok lan egiten duten bi talde hauek finantzatu eta Euskadiko organo judizialen esku uzten ditu: Balorazio Forentse Integralerako Unitateak eta Talde Psikosozial Judizialak. Organo teknikoak dira biak, independenteak eta ikerketa zientifikoaren irizpideen araberako peritu-txostenak edo aholkularitza eskaintzekoak. Bilboko, Donostiako eta Gasteizko egoitza judizialetan egiten dute lan, hiru lurralde historikoak estalduraren barnean hartuz. Esparru hauetan egiten dute lan nagusiki:

 

  • Gazte Justizia: talde psikologikoak funtsezkoak dira adin txikikoen ebaluazioak egiteko eta epaitegiei adin txikikook gizarteratzeko zein neurri hartu aholkatzeko.
  • Jurisdikzio zibila: peritu-probak egiten dituzte, batez ere ezkontza-desegiteetan (adin txikikoen zaintza eta jagoletza, komunikazio-erregimena eta egonaldiak, ezkontzaren deuseztasun zibila, adin txikikoen emantzipazioa, etab.) eta adin txikikoen babes-prozeduran (babesari buruzko foru-aginduak, guraso-ahala kentzea, familia-harrerak, adopzioak, etab.)
  • Zigor-jurisdikzioa:  delituen biktimen ebaluazio psikologikoak egiten dituzte, eta laguntza eskaintzen diete deklaratzeko garaian, batez ere indarkeria matxistari, sexu-erasoei, etxe barneko indarkeriari, adingabeen kontrako delituei, ezgaitasuna duten pertsonei etab., loturiko auzietan. 

EUSKADIKO DATUAK 2015

Balorazio Forentse Integralerako Unitatea Auzitegi Medikuntzako Euskal Institutuari atxikita dago. Espediente judizial guztiak era integral eta bateratuan aztertzen dituzte; txosten bat prestatzeko, beharrezkoak diren diziplina guztiak koordinatzen dira, psikiatria, psikologia, gizarte-lana, etab. Unitate horietan 6 psikologo ari dira lanean eta 2015ean 1.453 espediente judizialetan esku hartu zuten. (*)

 

ESPEDIENTE JUDIZIALAK

2015/2014

 

 

 

LURRALDEA

2015

2014

ALDAKETA

 

 

Araba

239

156

53,2%

 

 

Bizkaia

643

755

-14,8%

 

 

Gipuzkoa

571

464

23%

 

 

GUZTIRA

1.453

1.375

5,6%

 

           

 

(*)Espediente bakoitzak epaitegientzako txosten bat baino gehiago sor dezake.

 

EAEko Talde Psikosozial Judizialak adituak dira hainbat diziplinatan, tartean, psikologian, gizarte-lanean eta hezkuntzan. Talde horietan 13 psikologo ari dira lanean: bi Gasteizko epaitegietan, hiru Donostian eta 8 Bilbon. 2015ean 9.549 pertsona artatu zituzten:

 

 

ARABA

BIZKAIA

GIPUZKOA

GUZTIRA

GAZTE JUSTIZIA

1.555

1.640

1.183

4.378

FAMILIA-JURISDIKZIOA

1.210

2.324

1.445

4.979

ZIGOR-JURISDIKZIOA

29

121

29

179

BESTE BATZUK

0

10

3

13

GUZTIRA

2.794

4.095

2.660

9.549

 

Talde horiek peritu esku-hartzeak egiteko 3.092  eskaera jaso zituzten EAEko epaitegien eskutik:

 

 

ARABA

BIZKAIA

GIPUZKOA

GUZTIRA

GAZTE JUSTIZIA

289

781

565

1.635

FAMILIA-JURISDIKZIOA

371

581

300

1.252

ZIGOR-JURISDIKZIOA

24

121

34

179

BESTE BATZUK

8

7

11

26

GUZTIRA

692

1.490

910

3.092

 

DONOSTIA 2016

Auzitegiko Psikologoen Elkartea autonomia-erkidego guztietako auzitegiko psikologoek osatuta dago eta Donostia hautatu du urteko biltzarra egiteko, Europako 2016ko Kultur Hiriburua dela eta. Hala, hiriburutzari loturiko ekitaldiekin bat egingo du. 

Oraindik ez dago iruzkinik
  • Faceless avatar thumb 70
    Zerbait esan nahi duzu?… iruzkindu albiste hau
Ekitaldiko kargudunak
(X legealdia 2012 - 2016)