Berriak Lehendakaritza
Eu

Lehendakariak nabarmendu du, ziurgabetasunak gorabehera, Arabako ekonomia «indarra hartzen» ari dela

2016.eko maiatzak 02
  • Urkulluk inauguratu du Arabako I. Ekonomia Foroa, Dato Económico aldizkariak bere 15. urtemuga ospatzeko antolatu duena
  • Lehendakariak gogorarazi du Araba funtsezko lurraldea dela industriari eusteko

Iñigo Urkullu lehendakariak inauguratu du Arabako I. Ekonomia Foroa, Dato Económico aldizkariak bere 15. urtemuga ospatzeko antolatu duena. Lehendakariak nabarmendu duenez, munduko ekonomiaren ziurgabetasuna eta Espainiako Estatuan hauteskunde orokorrak errepikatzeak eragindako «kezka» gorabehera, EAEko eta Arabako ekonomiak «indarra hartzen» ari dira. Gaineratu duenez, Araba funtsezko lurraldea da industriari eusteko, eta horren erakusle da Eusko Jaurlaritzak Gasteiz hiriburuaren alde egindako apustua.

Gasteizko Canciller Ayala Hotelean egin den ekitaldian izan dira Ekonomiaren Garapen eta Lehiakortasuneko sailburu Arantxa Tapia, Ogasun eta Finantzetako sailburu Ricardo Gatzagaetxebarria, Hezkuntza, Hizkuntza Politika eta Kulturako sailburu Cristina Uriarte, Segurtasuneko sailburu Estefanía Beltrán de Heredia, Osasuneko sailburu Jon Darpón eta Ingurumen eta Lurralde Politikako sailburu Ana Oregi. Enpresen, gizarteko eta kulturako ordezkariek hartu dute parte foroan, gai sozioekonomikoak landuz.

Lehendakariak EAEko ekonomiaren datu onak ekarri ditu gogora; BPGren hazkundea urteko lehen hiruhilekoan, % 3,2koa, eta langabezia-mailaren jaitsiera, % 12,8ra (Estatuko langabezia-maila txikiena). Ziurgabetasunak ziurgabetasun, lehendakariaren esanetan, «EAEko eta Arabako ekonomiak indarra hartu dute», eta urte osoan % 2,5 haziko direla iragarri du.

Urkulluk adierazi du Araba funtsezko lurraldea dela industriari eusteko, bertan egiten direlako EAEko esportazioen % 30. Hori horrela, logistikak ekonomian eta enpresa-eredu gero eta globalizatuagoan duen garrantzia azpimarratu du, eta, horri erantzuteko, erakundeek Arasur plataforma logistikoaren, abiadura handiko trenak Jundizko industrialdearekin lotura izatearen eta Forondako aireportuaren alde egin dutela apustu.

Halaber, lehendakariak Eusko Jaurlaritzak, Gasteizko Udalaren eta Arabako Foru Aldundiaren laguntzarekin, EAEko hiriburuaren alde egindako apustua gogorarazi du: ikastetxe berriak eraikitzea, ospitale-integrazioa, auzoak zaharberritzea eta mugikortasuna hobetzea.

KEZKA, HAUTESKUNDE OROKORRAK DIRELA ETA

Urkulluk, halaber, hizpide izan du Espainiako Estatuko egoera politikoa, gobernagarritasun-akordio bat erdiesteko alderdi politikoen ezintasuna agerian geratu dena. Lehendakariak aitortu du hauteskunde orokorrak errepikatzeak «kezka» eragiten diola, galdu den denborak «urrea balio» zuelako eta, batez ere, ez duelako «inolako aldaketarik» sumatzen alderdi politikoetan, ez bederen hurbildu, hitz egin eta ados jarri daitezkeela pentsatzeko. Bere iritzian, Espainiako Estatua ziurgabetasun-egoeran dago, «arriskuan» ez esateagatik.

7 iruzkin
  • Faceless avatar thumb 70
    Zerbait esan nahi duzu?… iruzkindu albiste hau
  • @lanbideejgv
    2016.eko maiatzak 03

    Comentario de Twitter:
    Lehendakariak nabarmendu du, ziurgabetasunak gorabehera, Arabako ekonomia «indarra hartzen» ari dela https://t.co/oVPvqrKiGc @Irekia

  • 2016.eko maiatzak 03

    Sera solo "para los de siempre" que se siguen forrando. Los trabajadores y trabajadoras cada vez son más precarias, empleo peor, más parcial y con sueldos de miseria y, contra eso, el G.V. NO HACE NADA.

  • @PGdeSalazar
    2016.eko maiatzak 02

    Comentario de Twitter:
    RT @Gob_eus: Lehendakariak nabarmendu du, ziurgabetasunak gorabehera, Arabako ekonomia «indarra hartzen» ari dela ➡ https://t.co/wCu8DJ1lrk

  • @Gob_eus
    2016.eko maiatzak 02

    Comentario de Twitter:
    Lehendakariak nabarmendu du, ziurgabetasunak gorabehera, Arabako ekonomia «indarra hartzen» ari dela ➡ https://t.co/wCu8DJ1lrk

  • @esteruco
    2016.eko maiatzak 02

    Comentario de Twitter:
    RT @Irekia: El lehendakari destaca que, a pesar de las incertidumbres, la #economía vasca y alavesa está "cogiendo impulso" ➡ https://t.co/

  • @Gob_eus
    2016.eko maiatzak 02

    Comentario de Twitter:
    Urkullu ha inaugurado el I Foro Económico de Álava organizado por Dato Económico con motivo de su 15 aniversario ➡ https://t.co/0vlOZCoc4x

  • @Gob_eus
    2016.eko maiatzak 02

    Comentario de Twitter:
    El lehendakari destaca que, a pesar de las incertidumbres, la #economía vasca y alavesa está "cogiendo impulso" ➡ https://t.co/0vlOZCoc4x

Ekitaldiko kargudunak
(X legealdia 2012 - 2016)