Berriak Hezkuntza, Hizkuntza Politika eta Kultura
Eu

Euskadiko Antzoki Sarearen Hitzartutako Zirkuituak 232 emanaldi eskainiko ditu aurten

2016.eko apirilak 29
  • 11 ikuskizun hautatu dira aurten, Euskadiko Antzoki Sarean 232 emanaldi egiteko. Iaz baino 77 ikuskizun gehiago izango dira
  • Eusko Jaurlaritzak 187.500 euro bideratu ditu hautatutako ikuskizunen ekoizpenerako
  • Antzerkira bideratzen den diru publikoa optimizatzea, eta produkzioa eta programazioaren arteko koherentzia dira ekimenaren helburuak

Euren antzerki proiektua oraindik erabat amaitu gabe edo ekoizpen fasean izanik ere, hamar euskal konpainiak badakite dagoeneko udazkenetik aurrera euren ikuskizunak zenbat emanaldi izango dituen eta zein antzokitan. Euskadiko Antzoki Sarearen Hitzartutako Zirkuituari esker gertatzen da hori horrela. Eusko Jaurlaritzaren laguntzaz Euskadiko Antzoki Sareak bultzatzen duen ekimen honek hamar euskal konpainiaren 11 antzezlan hautatu ditu aurtengo zirkuitua osatzeko: 232 emanaldi eskainiko dituzte guztira (iaz baino 77 gehiago), Euskadiko Antzoki Sarea osatzen duten 45 antzokitan. Joxean Muñoz, Eusko Jaurlaritzako Kultura, Gazteria eta Kirol sailburuordeak eta Norka Chiapuso, Donostia Kulturako Antzerki eta Dantza programatzaileak eman dute ekimenaren berri Donostiako Victoria Eugenia Antzokian burutu den aurkezpenean. Ekitaldian parte hartzaile izan dira, era berean, aurten zirkuituan lehen aldiz parte hartuko duen Ganso&Cía taldeko Gorka Ganso eta antzoki sareko Nekane Basterretxea ere.

Euskadiko Antzoki Sareak apirilaren hasieran Ermuko antzokian burutu zuen Kontratazio Foroaz geroztik erabakita dauka dagoeneko zein taldek eta zein proiektuk osatuko duten aurtengo Hitzartutako Zirkuitua. Aurten lehen aldiz, foroan euren burua aurkeztu duten proiektu guztiek (11) lortu dute zirkuituan sartzeko adina kontratazio. Hauexek izango dira:

Konpainia

Ikuskizuna

Glu Glu

Marikixkur

Artedrama

Francoren bilobari gutuna

Ados

Antes de mirar, cruzar

Glu Glu

Desoxirribonucleico

Markeliñe

Euria

Txalo

Jainko basatia

Hika

Koaderno zuria

Ganso&Cía

Kaput

Gorakada

Titirikontu-kontari

Borobil

Gu

Pausoka

Go!azen 3.0

 

Hitzartutako Zirkuitoan emanaldiak lotu dituzten konpainia hauek, Eusko Jaurlaritzaren diru-laguntza eska dezakete proiektua ekoizteko. Kultura Sailburuordetzak 187.500 euro bideratu ditu aurten hautatutako proiektu hauek diruz laguntzeko. Bestalde, hitzartutako 232 emanaldi horiek, udal antzokien kontrataziotan, 772.759 euroko kontratazio-bolumena lortu dute.

Baliabide publikoak optimizatzea

Horrela bada, programa honek erabat betetzen ditu bere bi helburu nagusiak. Batetik, antzerkian inbertitzen den diru publikoa optimizatzen da: produkziora zuzendutako diru-laguntzak (Eusko Jaurlaritzatik) eta programaziora zuzendutakoak (udaletatik) norabide berean jartzen baitira. Eta bestetik, arte eszenikoen jasangarritasunean ere laguntzen da, antzerki ekoizpenaren eta programazioaren arteko koherentzia bilatuz (Euskadiko antzokiek eskatzen dituzten proiektuak ekoitziko dira).

Programak gorako joera nabarmena izan du azken urteetan, bereziki antolatutako bira kopuruari dagokionez (6 edo 7tik 11ra pasatu da aurten), eta lotutako emanaldi kopuruari begiratuz gero (155 emanaldi iaz, 232 aurten).

HITZARTUTAKO ZIRKUITUA 2016

 

 

 

Parte hartu duten antzoki kopurua

45

SAREko antzoki guztien % 83,3

Antolatutako bira kopurua

11

 

 

Lotutako emanaldi kopurua

232

 

 

Emanaldien batez bestekoa bira bakoitzeko

21

 

 

Emanaldien batez bestekoa antzoki bakoitzeko

5

 

 

Kontratazio bolumena guztira

772.759 €

 

 

Kontratazio bolumena batez beste atzoki bakoitzeko

17.172 €

 

 

 

HITZARTUTAKO ZIRKUITUA 2011-2016

 

 

 

 

 

 

 

 

2011

2012

2013

2014

2015

2016

Guztira

Parte hartu duten antzoki kopurua

34

33

40

40

42

45

Antolatutako bira kopurua

3

3

7

7

6

11

37

Lotutako emanaldi kopurua

83

85

142

140

155

232

836

Emanaldien batez bestekoa bira bakoitzeko

28

28

20

20

26

21

23

 

Hitzartutako Zirkuitua eta Kontratazio Foroa. Zer da?

Hitzartutako Zirkuitua abian jartzeko, eta berau osatuko duten antzerki-proiektuak aukeratzeko, Euskadiko Antzoki Sareak Kontratazio foroa antolatzen du urtero, honako prozedura honekin:

  1. Urte hasieran, Sareak deialdia egiten die Euskadiko antzerki talde profesionalei, irailetik aurrera estreinatu asmo dituzten produkzio-proiektuak aurkez ditzaten. Sareko antzokiek lehen hautaketa bat egiten dute, eta gehien interesatu zaizkien proiektuak bigarren fasera pasatuko dira.
  2. Azken eta behin betiko hautaketa Kontratazio Foroan gauzatzen da, Ermuako antzokian elkarturik (aurten, apirilaren 6an burutu da). Goizeko saioan, konpainiek euren proiektua aurkezten diete antzokietako programatzaileei (artean produkzio fasean egonik ere), eta hauek azken aukeraketa egiteko behar dituzten argibideak eskatzeko aukera dute. Arratsaldeko saioan, informazio guztia aztertu ondoren, mahai gainean jartzen dira programatzaile guztien kontratazio asmoak. Mahai horretan programatzaileengandik 12 emanaldi baino gehiago lortu dituzten proiektuak aukeratuak izaten dira (9 emanaldi, formatu handiko ikuskizunak badira).
  3. Azken urratsa, aukeratutako proiektu bakoitzarekin konprometitutako emanaldi guztiak bilduko dituen birak antolatzea izaten da. Zirkuituaren egutegia bileran bertan zehazten da (aurten, 10 konpainiaren 11 ikuskizunek parte hartuko dute zirkuituan, eta 232 emanaldi izango dira orotara).

Honela, hitzartutako zirkuitua lortu duten konpainiek, emanaldi kopuru bat ziurtatuta izateaz gain, Eusko Jaurlaritzaren diru-laguntza ere eskuratu ahal izango dute, proiektu hori ekoizteko (baldin eta ez badute laguntzarik jaso bi urterako jarduera diruz laguntzen duen deialdian). Kultura Sailburuordetzak 187.500 euro bideratu ditu aurten hitzartutako zirkuituak diruz laguntzeko. Proiektu bakoitzak gehienez 60.000 euro jaso ditzake.

Zer da Sarea?

Sarea, Euskadiko Antzoki Sarea, 1993 urtean sortutako erakunde arteko entitatea da eta Eusko Jaurlaritzako Hezkuntza, Hizkuntza Politika eta Kultura Sailak, Foru Aldundietako Kultura sailek eta Euskadiko udalek osatzen dute. Gaur egun, titulartasun publikoko 54 antzokik eta aretok osatzen dute sarea: 4 Araban daude, 25 Bizkaian eta beste 25 Gipuzkoan. Arte eszenikoetako programazio egonkorra koordinatzea, bultzatzea eta hedatzea da Sarearen eginkizun nagusia, giza zein ekonomia-baliabideak optimizatuz eta arte eszenikoetako eremuan publikoa sortuz eta trebatuz.

 

Iruzkin bat
  • Faceless avatar thumb 70
    Zerbait esan nahi duzu?… iruzkindu albiste hau
  • @CamiladeEpalzaA
    2016.eko apirilak 30

    Comentario de Twitter:
    RT @Irekia: [TEATRO] El Circuito Concertado de la Red Vasca De Teatros ofrecerá este año 232 funciones ➡ https://t.co/oiz1KVd7xi

Komunikabideek behera kargatzeko
Ekitaldiko kargudunak
(X legealdia 2012 - 2016)
Beste gonbidatu batzuk
  • Norka Chiapuso (Donostia KUltura), Nekane Basterretxea (Sarea), Gorka Ganso (Ganso&Cía)