Berriak Hezkuntza, Hizkuntza Politika eta Kultura
Eu

EGOD egitasmoaren eta euskararen gaineko diskurtso partekaturako zoru komunaren aurkezpenak Bilbon

2016.eko otsailak 23

Hizkuntza Politikarako sailburuorde Patxi Baztarrikak eta Iñaki Martínez de Luna soziolinguistak EGOD egitasmoa eta euskararen gaineko diskurtso partekaturako zoru komunaren oinarria aurkeztu dituzte Bilbon izandako bi bileratan. Lehen bilera goizean izan da, Confebasken egoitzan, Confebask, Adegi, SEA eta Cebekeko ordezkariekin. Euskal enpresarien ordezkariekin eginiko bilkura bukatuta, arratsaldean, gazteriaren eta kirolaren arloetako eragileekin elkartu dira Patxi Baztarrika sailburuordea eta Iñaki Martínez de Luna. Arratsaldeko bileran, besteak beste, Euskadiko Gazteriaren Kontseiluaren ordezkariak egon dira, bai eta gazteen hainbat elkartetako ordezkariak ere. Kirol arloari dagokionez, Euskal Kirol Federazioen Batasunaren ordezkariarekin batera, hainbat federazioetako eta kirol munduko eragilek ere parte hartu dute.

EGOD egitasmoa:

Hizkuntza Politikarako Sailburuordetzak legealdirako lan-programa aurkeztu zuen legealdi hasieran. Lan-programa horretako konpromiso eta eginkizunen artean nabarmendu zenetariko bat izan zen,  euskal gizartean euskarari buruz dauden diskurtsoen lanketa egitea, eta diskurtso ezberdinen arteko kontrastea eta eztabaida bultzatzea, ahalik eta parte hartze zabalenarekin”.

Euskararen Aholku Batzordeak, Hizkuntza Politikarako sailburuordetzak hala proposatuta, 2013-2014 aldirako lan programa onartu zuen eta programa horretako eginkizunetariko bat, hain zuzen ere, honelaxe definituta onartu zen: “euskararen gaineko oinarrizko diskurtsoak aztertu, kontrastatu, berritu eta bateratze bidean jartzea”. Eginkizun hori garatzearen ardura Euskara 21 Batzorde-atalaren esku jarri zen.

Eginkizun hori aurrera eramateko ‘Euskararen Gaineko Oinarrizko Diskurtsoaren lanketa’ (EGOD) izeneko egitasmoa jarri zen martxan. Egitasmo horren zuzendaria Euskara 21 Batzorde-atalaren zuzendaria bera da, Iñaki Martínez de Luna. EGOD egitasmoak euskararen gaineko oinarrizko diskurtsoak aztertu, kontrastatu, berritu eta bateratze bidean jartzea du helburu.

Horrela izendatu dira bost diskurtsoak: Errespetuarena, Balio pragmatikoarena, Sustatzailea, Aldarrikatzailea eta Mesfidatia.

Euskararen gaineko diskurtso partekaturako zoru komuna:

EGOD egitasmoaren barruan egindako ikerketetatik ateratako informazioa landuz, Hizkuntza Politikarako sailburordetzak diskurtso ezberdinen arteko intersekzioa izan litekeenaren eduki zehatzak definitu ditu. Intersekzio hori izan daiteke, hain zuzen ere, euskararen gaineko diskurtso partekaturako zoru komunaren oinarria.

Aurretiaz aipatu diren bost diskurtsoak zenbait esaldiz (33 esaldi, guztira) osatuta daude eta esaldi bakoitzak onarpen maila ezberdina du. Intersekzio edo zoru komun hori definitzeko, esaldi hauetatik edota ikerketako bestelako galderetatik ateratako ideietatik %66,6tik gorako babesa dutenak hartu dira. Beraz, esaldiak aukeratzeko, ezinbestez, bi hereneko babesa izan behar dute. Onartutakoak hogeita bat izan dira. Beraz, aparteko lan honi esker, definituta geratzen dira gutxienez gizarteko bi herenek ontzat ematen dituzten ideiak.

 

*Informazio osagarria, atxikitako PDF dokumentuan.

Oraindik ez dago iruzkinik
  • Faceless avatar thumb 70
    Zerbait esan nahi duzu?… iruzkindu albiste hau
Komunikabideek behera kargatzeko
Ekitaldiko kargudunak
(X legealdia 2012 - 2016)
Beste gonbidatu batzuk
  • Iñaki Martinez de Luna