Berriak Hezkuntza, Hizkuntza Politika eta Kultura
Eu

Euskal ordezkaritza zabala Berlinalen

2016.eko otsailak 11
  • Ikus-entzunezko euskal sektoreak 32 proiektuko katalogoa aurkeztuko du: film luzeak eta dokumentalak
  • Euskal profesionalek aholkularitza eta lan-agenda betea izango dute Berlinalen

Basque Audiovisual, ikus-entzunezko euskal sektorearen marka, Berlingo Nazioarteko Zinemaldian izango da, Eusko Jaurlaritzaren eta Zineuskadiren eskutik. Gaur hasi eta otsailaren  20ra bitartean, ikus-entzunezko 32 euskal proiektuk osatzen duten katalogo zabala aurkeztu eta ezagutaraziko da nazioarteko zinema jaialdirik nagusienetako honek eskaintzen duen erakusleihoan. 22 ekoiztetxeren lanak dira, dokumentalak edo fikziozko film luzeak gehien bat, eta oso fase ezberdinetan daudenak –amaiturik batzuk, garapenean, produkzioan edo postprodukzioan sarturik beste batzuk-, baina euren lanentzat koprodukzioa, banaketa edo salmentarako kontaktuak bilatzeko aukera izango dute guztiek. (*)

Helburu horretarako, lan-agenda ondo loturik darama euskal ordezkaritzak Berlinalera. Eusko Jaurlaritzak match maker edo aholkulari bat ipini du Berlinen izango diren ikus-entzunezko sektoreko profesional hauen guztien esku. Figura honek, jaialdiak iraungo duen egunetarako, nazioarteko profesionalekin agenda profesional betea osatu die euskal ordezkariei, Berlinera daramatzaten proiektuentzat koprodukzio, distribuzio edo salmenta bideak aurkitzeko lana errazteko asmoz.

Harreman horietarako, gainera, Euskadik bere espazio fisiko propioa edo    lanerako gunea izango du European Film Market-en, Berlinalen industriari eskaintzen zaion plaza ezagunean. Harremanetarako, lan-bileratarako edo aurkezpenetarako egokitutako espazioa izango da.

Basque Audiovisual katalogoa osatzen duten zenbait proiekturen irudiak jasotzen dituen bideoa (5 minutukoa), eskuragarri dago Vimeon:

https://vimeo.com/153481093

Errodajeak erakartzea

Baina ez da hori Eusko Jaurlaritzak babestutako produktu bakarra izango. Bilboko, Donostiako Eta Gasteizko Film Commission-ekin elkarlanean, Euskal Autonomia Erkidegoan zinema errodajeetarako dauden lokalizazioen berri ere emango da Berlinalen. Azken ekimen honen helburua da kanpoko ekoizleek eta zinema zuzendariek gure lurraldea aukeratzea filmak errodatzeko garaian. Horretarako, lokalizazioak erakusteaz gain, EAEak eskaintzen dituen abantailen berri ere emango da: abantaila fiskalak, baliabide profesionalak, industria-azpiegitura, ikus-entzunezko zerbitzuak…

Glocal Cinema: big stories, small countries

Donostiako Zinemaldian hasi zen egitasmoaren bigarren saioa egingo da Berlinalen. Glocal Cinema: big stories, small countries izeneko manifestua sinatu zuten 15 herrialde eta eskualdetako institutu zinematografikoen ordezkariak berriro elkartuko dira, etorkizuneko bide-orria zehaztera, tartean Clara Montero Eusko Jaurlaritzako Kultura Sustatzeko zuzendaria eta Ainhoa González Europa Creativa Desk MEDIA Euskadiko arduraduna. Bilera otsailaren 16an izango da.

Manifestua sinatu zutenen helburua hizkuntza ez hegemonikoetan egiten den zinema produkzioa sustatzea da. Donostiako bileran esperientziak trukatu eta kooperazio bideak garatu ostean, lehen bilera horri jarraipena emango zaio Berlinalen.

(*)Basque Audiovisual-ek Berlinera eramango duen katalogoa, eta Film Commissionn-en katalogoa, atxikitako PDF dokumentuetan daude eskuragarri.

4 iruzkin
  • Faceless avatar thumb 70
    Zerbait esan nahi duzu?… iruzkindu albiste hau
  • @ChamorroLaura
    2016.eko otsailak 13

    Comentario de Twitter:
    RT @FomentoSS: La Film Commission de #donostia, con la de #bilbao y #vitoriagasteiz, en la @berlinale https://t.co/omNFov4XTp https://t.co/

  • @anniemux
    2016.eko otsailak 12

    Comentario de Twitter:
    RT @Irekia: [SECTOR AUDIOVISUAL] Berlinale contará con una amplia representación vasca ➡ https://t.co/nSNZaxv3oL https://t.co/NA3bp3wLbw

  • @FomentoSS
    2016.eko otsailak 12

    Comentario de Twitter:
    La Film Commission de #donostia, con la de #bilbao y #vitoriagasteiz, en la @berlinale https://t.co/omNFov4XTp https://t.co/bkYhgppmla

  • @FomentoSS
    2016.eko otsailak 12

    Comentario de Twitter:
    Berlinale contará con una amplia representación vasca https://t.co/AQJiBCs1Zr

Komunikabideek behera kargatzeko
Ekitaldiko kargudunak
(X legealdia 2012 - 2016)