Berriak Justizia eta Herri Administrazioa
Eu

80.000 euroko diru-laguntza oroimen historikoa berreskuratzeko jarduera eta proiektuak gauzatzeko

2010.eko irailak 01

Oroimen historikoa berreskuratzeko proiektu eta jarduerak gauzatzeko 80.000 euroko diru-laguntzen deialdia egiten duen Justizia eta Herri Administrazio Sailaren agindua onartu du Jaurlaritzaren Kontseiluak, Gerra Zibilean eta diktadura frankistaren garaian askatasuna eta balio demokratikoak defendatzeagatik jazarpena eta bidegabeko zigor eta zehapenak pairatu zituztenen aintzatsepen publikorako esparru bat ezartzeko asmoz.

Testuinguru horretan, gure gizartean adiskidetzea, bizikidetza eta giza eskubideenganako errespetua sustatzeko helburuarekin 2010. urtean oroimen historikoa oroitarazi, ikertu eta ezagutarazteko jarduerak egiten dituzten erakundeei laguntzak emango dizkie Eusko Jaurlaritzak, Giza Eskubideen Zuzendaritzaren bidez.

Jarduera bakoitzari 15.000 euro emango zaizkio gehienez, eta lehiaketaren sistema erabiliko da diru-laguntzak eman edo ukatzeko. Lehiaketa horretan irizpide hauek hartuko dira kontuan: proiektuen bideragarritasun teknikoa eta ekonomikoa, kalitatea eta zorroztasun zientifikoa, gizartearentzat daukaten interesa, erakunde baten baino gehiagoren parte-hartzea, eta irakaskuntza-mailetan izan dezaketen eragina.

Eskabideak aurkezteko epea agindua argitaratu eta hurrengo egunetik hilabetekoa da.

Oraindik ez dago iruzkinik
Iruzkinak itxita daude dokumentu honetan