Berriak Hezkuntza, Hizkuntza Politika eta Kultura
Eu

155.000 euro «Euskadiko Gazteak Lankidetzan» programarako. (2015-12-09(e)ko Kontseiluan hartutako erabakiaren laburpena)

2015.eko abenduak 09

LABURPENA

Gobernu Kontseiluak, Hezkuntza, Hizkuntza Politika eta Kultura sailburuaren proposamenez, onartu du Euskadiko Gazteak Lankidetzan programarako 2016ko deialdia egiten duen Agindua, bai eta bertan parte hartzeko modua arautu ere.

Euskadiko gazteak garapenerako elkarlanean sentsibilizatzea da aipatutako programaren helburua. Aurtengo ekitaldi honetan ere, Euskadiko gazteak lankidetzara hurbil daitezen lortu nahian jarraitzen du programak, era berean, ekintza horiek nola burutzen diren bertatik ezagutzeko aukera emanez.

Programa hau diru-laguntza da. Pertsona onuradunak ez du zuzenean jasoko diru-kopururik, Gazteria Zuzendaritzak kudeatuko baititu laguntzari dagozkion bidaia-txartelak eta gainerako prestazioak. Programa honek 2016ko ekitaldirako guztira duen gehieneko zenbatekoa 155.000 eurokoa da.

Hautatutako herrialde eta lankidetza-proiektu jakinetara joateko, 20 eta 30 urte bitarteko (1986 eta 1996 artean jaioak, biak barne) 100 pertsona aukeratuko dira gehienez.

Eskabideak aurkezteko epea hilabetekoa izango da, Agindua indarrean sartzen den egunetik kontatzen hasita.

Oraindik ez dago iruzkinik
  • Faceless avatar thumb 70
    Zerbait esan nahi duzu?… iruzkindu albiste hau