Berriak
Eu

Eusko Jaurlaritzak frankismoaren krimenen aurkako kereilaren euskal Plataforman elkartutako euskal biktima kereila-jartzaileei emango die René Cassin 2015 saria

2015.eko abenduak 03

Eusko Jaurlaritzak gaur jakinarazi duenez, Frankismoaren Krimenen Aurkako Kereilaren Euskal Plataforman antolatutako euskal biktima kereilariei emango die Giza Eskubideen René Cassin 2015 Saria, Bakegintza eta Bizikidetzarako Idazkaritza Nagusiak emana.

Epaimahaiak, iragan azaroaren 19an Gasteizen bilduta, kolektibo horrek egindako lana saritzea erabaki du aurten. Hain zuzen, justizia unibertsalaren defentsaren esparruan gauzatzen du Plataformak bere jarduna, giza eskubideen urraketa larriak aurkatzeko tresna gisa. Sariak, orobat, Plataformak egiaren eta justiziaren bilaketan egiten duen lan indibidual eta kolektiboa sustatzeko balioko du.

Hautagaitza hori saritzeak badu beste xede bat ere: esandako plataformaren inguruan antolatutako euskal biktima kereilari guztiei errekonozimendu morala egitea.

Iñigo Urkullu lehendakariak emango du saria, datorren abenduaren 10ean –hau da, Giza Eskubideen Nazioarteko Egunean– Lehendakaritzan egingo den ekitaldi batean.

 

*René Cassin Saria Eusko Jaurlaritzak sortu zuen, beren jardunaren bitartez gure gizartean giza eskubideen balioak nabarmenki sustatzen laguntzen duten pertsona fisiko nahiz juridikoen lana publikoki aitortzeko helburuz. 1887an Baionan jaiotako René Cassinek ematen dio sariari izena; izan ere, huraxe jotzen da Giza Eskubideen Adierazpen Unibertsalaren inspirazio-iturritzat. Horrez gain, 1968an Bakearen Nobel Sariaren merezidun izan zen.

3 iruzkin
  • Faceless avatar thumb 70
    Zerbait esan nahi duzu?… iruzkindu albiste hau
  • 2015.eko abenduak 09

    Un reconocimiento moral para quienes han aportado por décadas a la defensa de los derechos humanos. En el sur y centro de américa, vivimos horrores desde las décadas de los años 60, 70 y sobre todo en la década de los 80.

  • 2015.eko abenduak 04

    Un premio moral, cargado de gratitud para no olvidar quienes somos los seres humanos.
    Barbaridades que no escriben en la historia contemporánea, aún, del miedo a pensar, a reconocer la realidad y sus influencias hoy en el espíritu libre que sobrevive

  • @GlaciarBlue
    2015.eko abenduak 03

    Comentario de Twitter:
    El Gobierno Vasco concede el premio René Cassin 2015 a las víctimas querellantes vascas agrupadas en la “Plataf... https://t.co/WHWYAKBwq7

Komunikabideek behera kargatzeko
Ekitaldiko kargudunak
(X legealdia 2012 - 2016)