Berriak Hezkuntza, Hizkuntza Politika eta Kultura
Eu

2.450.000 euro hezkuntza-premia bereziak dituzten ikasleen eskola-garraiorako. (2015-11-24(e)ko Kontseiluan hartutako erabakiaren laburpena)

2015.eko azaroak 24

LABURPENA

Deialdi honetarako diru-kopurua %6,52 handitu du Hezkuntza, Hizkuntza Politika eta Kultura Sailak 2015-2016 ikasturterako

Gobernu Kontseiluak Hezkuntza, Hizkuntza Politika eta Kultura Sailburuak proposatuta, ikastetxe publikoetan edo, salbuespen gisa, itunpeko ikastetxe pribatuetan eskolatuta dauden hezkuntza-premia berezietako ikasleentzat 2015-2016 ikasturtean eskola-garraiorako banakako diru-laguntzak deitzen dituen Agindua onartu du.

Hezkuntza, Hizkuntza Politika eta Kultura Sailak 150.000 euroan handitu du deialdi honen diru kopurua (%6,52 gehiago) iazkoarekin alderatuz gero, 2.450.000 euroko kopurua osatu arte diru-laguntza hauetarako.

Diru-laguntza hauen jasotzaileak izango dira, ezgaitasun larriak izan (ezgaitasun fisikoa, psikikoa edo sentsoriala) eta, antolatutako eskola-garraioa edota ohiko garraio publikoa erabili ezin dezaketen ikasleak, eta hortaz, euren etxebizitzetatik eskoletara joatea erraztuko duen garraio-alternatiba bat behar dutenak. Azken finean, eskola inklusiboaren aldeko printzipioari jarraiki, ikasle hauek ikasteko edo parte-hartzeko izan ditzaketen oztopoak ezabatu edo leundu nahi dira deialdi honen bidez, eta eskola-garraioa ez dadila zailtasun bihurtu ikasle bakoitza ingurunerik egokienean eskolaturik egon dadin.

Aurreko 2014-2015 ikasturtean deialdi honen bidez, ezgaitasunen bat zuten 849 ikasleren 131 ikastetxetarako garraioa finantzatu zen.

Oraindik ez dago iruzkinik
  • Faceless avatar thumb 70
    Zerbait esan nahi duzu?… iruzkindu albiste hau