Euskal AEko industri jarduera %4 hazi zen 2010eko ekainean

Eustatek landutako datuen arabera, 2010eko ekainean, lan egutegiko termino homogeneoetan %4,0 hazi zen Euskal AEko industri produkzioa, 2009ko hil beraren aldean. Urtaroen eragina zuzenduta, %0,7 murriztu zen Euskal AEko industri produkzioa, 2010eko maiatzarekin alderatuta.

Sektoreen arabera, eta industri sektore nagusiak sailkatu ostean, 2010eko ekaineko indizearen bilakaera positiboa da denetan, Energian (%-0,2) izan ezik, 2009ko ekainaren aldean. Bitarteko ondasunak %6,7 igo dira, Ekipo-ondasunak %1,0; Kontsumo-ondasunak %6,4. Azken horien barruan, Kontsumo-ondasun iraunkorren prezioak %11,8 igo dira eta Kontsumo-ondasun ez-iraunkorrenak %5,0.

Hil artekoa, 2010eko ekainean maiatzaren aldean, negatiboa izan da Bitarteko ondasunetarako, (%-2,1) eta Ekipo-ondasunetarako (%-0,8). Energia %5,2 igo da, eta Kontsumo-ondasunak %3,1 maiatzaren aldean; hauen barruan Kontsumo-ondasun iraunkorrenak %10,1 eta ez-iraunkorrenak %1,3 igo dira.

2010eko ekainean hazkunderik handienak izandako sektoreak, aurreko urteko hil beraren aldean, Kautxu eta plastikoa (%30,2) eta Petrolio fintzea (%21,5) izan dira.

Urte arteko tasetan Larrugintza eta zapatagintzak (%-37,1) eta Metalezko eta ez-metalezko mineralek (%-23,5) izan dituzte erorketarik handienak.

Ekaineko Industri Produkzioaren Indizearen urte arteko bilakaera positiboa izan da Araban (%13,5) eta Bizkaian (%5,4). Gipuzkoan %2,3 jaitsi da. Hil arteko hazkunde-tasa negatiboa izan da Araban (%-1,1) eta Gipuzkoan (%-1,3), 2010eko maiatzaren aldean. Bizkaian aldaketarik ez (%0,0).

Argibide gehiago nahi izanez gero:

Euskal Estatistika Erakundea / Instituto Vasco de Estadística
Donostia-San Sebastián kalea, 1 01010 Vitoria-Gasteiz
Tel:+34-945-01 75 00 Faxa:+34-945-01 75 01 Posta elek.: eustat@eustat.es
Harremanetarako pertsona: Gerardo Pérez Aja
Tel:+34-945-01 75 06 Faxa:+34-945-01 75 01
Euskal AEko Industri Produkzioaren Indizeari (IPI) buruzko prentsa-ohar gehiago
Euskal AEko Industri Produkzioaren Indizeari (IPI) buruzko datu-bankua