Berriak Hezkuntza, Hizkuntza Politika eta Kultura
Eu

Gazteaukera atariak eta Basque Team-ek 2016ko Rioko Olinpiar eta Paralinpiar Jokoetara joateko aukera emango diete 8 gazte blogariri

2015.eko urriak 14
  • Gazte Olimpic Team lehiaketak zortzi blogari aurkitu nahi ditu 2016ko udan Rion jokatuko diren kirol jardueren testigantza eman dezaten.
  • Irabazleek olinpiar jokoetako jarduera ugaritara joan eta Basque Team-eko euskal kirolariekin harremanetan egoteko aukera izango dute.
  • Lehiaketan parte hartzeko, “Euskal Selekzioak 10 domina eskuratu ditu Olinpiar Jokoetan” delako gaiari buruzko idazlana edo bideoa bidali behar da Gazteaukera webgunearen bidez. Lanak aurkezteko epea: 2015eko urriaren 15etik abenduaren 15era.
  • Sariak Riorako hegaldiak, ostatua, kirol jardueretarako sarrerak, bidaiako gastuak eta asegurua biltzen ditu.
  • Ekimen honen bidez euskal gazteei hurbildu nahi zaie kirol jarduera garrantzitsu hau, munduan antolatzen den handiena, baina gazteen ikuspuntutik egin nahi izan da, gazteriak gehien erabiltzen dituen tresnen bitartez, hala nola blogak, sare sozialak eta bestelako IKT-ak.

Eliteko kirola bultzatzea xede duen Basque Team euskal Fundazioak eta Gazteaukera gazteriaren atariak Gazte Olimpic  Team lehiaketa abiarazi dute, Rion 2016ko esperientzia olinpikoa informazio-teknologia berrien bitartez ezagutarazteko asmoz. Zortzi blogari gaztek Olinpiar Jokoekin zerikusia duten jarduera asko zuzen-zuzenean bizi, lehian diharduten euskal kirolariekin harremanetan egon eta han-hemenka bildutako esperientziak Gazteaukera blogean islatzeko aukera izango dute.

Gazte Olimpic Team lehiaketak aukera paregabea eskaintzen die Euskadiko gazteei Rion bederatzi eguneko egonaldia irabazteko, lau lagun Olinpiar Jokoetara gonbidatuz eta beste lau Paralinpikoetara. Sariak hegaldiak, ostatua, kirol jardueretarako sarrerak, bidaia-gastuak eta asegurua biltzen ditu.

Lehiaketa 18 urtetik 30 urte bitarteko Euskadiko gazteentzat irekita dago, eta bertan parte hartzeko, idazlan bat edo bideo bat bidali behar dira Gazteaukera webgunearen bitartez, gaitzat honako hau hartuta: “Euskal Selekzioak 10 domina eskuratu ditu Olinpiar Jokoetan”. Lanak bidaltzeko azken eguna 2015eko abenduaren 15a da, eta 2016ko urtarrilaren amaieran, saritutako pertsonen izenak argitaratuko dira Gazteaukera atarian eta Basque Team-en zein Gazteaukeraren sare sozialetan (Facebook eta Twitter).

Aurkeztuko diren lanetan, komunikatzeko gaitasuna, originaltasuna eta kalitatea kontutan hartuko dute epaimahaikideek. Epaimahaiak zortzi lan aukeratuko ditu, eta zozketa bidez, launa pertsonako bi talde antolatuko dira, Olinpiar Jokoetara joateko bata, eta Joko Paralinpikoetara joateko bestea.

Talde hauen esperientziak (postak, argazkiak eta bideoak) Gazteaukerako blogean azalduko dira, bai eta sare sozialetan ere. Aukeratutako blogariek Basque Team-ek babestutako euskal kirolari olinpiko nahiz paralinpiko batzuekin zuzenean harremanetan egoteko aukera izango dute.

Gazteaukera

Gazteaukera Euskadiko Gazteriaren ataria da. Eusko Jaurlaritzako Gazteria eta Kirol Zuzendaritzak gai desberdinei buruzko informazio eskaintzen du atari honen bidez, kultura eta aisia, euskara, Internet, lankidetza, hezkuntza, enplegua, etxebizitza, osasuna eta ekologia tarteko direla. Gazte Informazio Guneetako zerbitzuak eta Gazteriaren Euskal Behatokia ere atarian ageri dira. Urterik urte, Zuzendaritzak era askotako programak garatzen ditu, hala nola, Gaztebizhitza orientazio eta aholkularitza zerbitzua,  Auzolandegiak, Euskadiko Gazteak Lankidetzan, Gazte-txartela edo programa europarrak.

Basque Team

Goi-mailako euskal kirolaren garapena bultzatzea da Basque Team-en xedea, Euskadiko kirolariek ordezkaritza zabala izan dezaten goi-mailako kirol lehiaketetan. Ekimena Eusko Jaurlaritzak —Hezkuntza, Hizkuntza Politika eta Kultura Sailaren bitartez— eta Euskal Irrati-Telebistak bultzatu dute.

Informazio gehiago, gazteaukera atarian:

http://www.gazteaukera.euskadi.eus/r58-gbh001/eu/contenidos/noticia/gaztebizhitza_lehiaketa_rio/eu_def/index.shtml

Harremanetarako: gazteaukera@gmail.com

Iruzkin bat
  • Faceless avatar thumb 70
    Zerbait esan nahi duzu?… iruzkindu albiste hau
  • @gananzia
    2015.eko urriak 17

    Comentario de Twitter:
    Gazteaukera y Basque Team llevarán a 8 bloggers vascos a los Juegos Olímpicos de Río 2016 http://t.co/1Nqn5uNmWr

Komunikabideek behera kargatzeko
Ekitaldiko kargudunak
(X legealdia 2012 - 2016)