Berriak Enplegua eta Gizarte Politikak

Enplegu eta Gizarte Politiketako Sailak 41 eee izapidetu zituen irailean

2015-10-14

Irailean, Eusko Jaurlaritzaren Enplegu eta Gizarte Politiketako Sailak enplegua erregulatzeko 41 espediente izapidetu zituen; hau da, abuztuan baino hiru aldiz gehiago (14), baina 2014ko irailean baino % 21 gutxiago (52).

Iragan hileko espedienteek 241 langileri eragin zioten: 143ri, aldi baterako kontratu-etete gisa; 61i, lanaldi-murrizketa moduan, eta 37ri, kontratu-hutsalketagatik. Espediente guztietatik, 31 aurreko baten jarraipena izan ziren, eta 146 langileri eragin zieten.

Etendura-espedienteak 23 izan ziren; lanaldia murriztekoak, 13, eta hutsalketako espedienteak, 5. Etendura-espedienteek 143 langileri eragin zieten, iazko hilabete berean baino % 32 gutxiagori (209); lan-jardunaldia murriztekoek 61 langileri (-% 54); eta iraungitze-espedienteek 37ri, 2014ko irailean baino % 32 gutxiagori.

Sektoreka, aurreko hilean ez zen EEErik izapidetu lehen sektorean, % 15 eraikuntza-sektoreari eragin zion, % 40 industriari eta % 44 zerbitzuen sektoreari.

Gaur egun, kontratua eteteko eta lanaldia murrizteko 525 espediente daude indarrean; horietatik, 428 aurreko espedienteen jarraipena dira. Hauek dira gehien kaltetutako eskualdeak: Arabako Lautada, Bilbo Handia eta Donostialdea.

 

 

 

OHARRA:

Enplegu Erregulazioko Espedienteen (EEE) estatistika osoa Enplegu eta Gizarte Politiketako Sailaren webgunean ikus daiteke.

http://www.gizartelan.ejgv.euskadi.eus/r45-conttrl/es/contenidos/informacion/estadisticastrabjo/es_esttraba/estadisticastrabajo.html

Oraindik ez dago iruzkinik
Iruzkinak itxita daude dokumentu honetan
Ekitaldiko kargudunak
(X legealdia 2012 - 2016)