Berriak Herri Administrazioa eta Justizia
Eu

Jaurlaritzak 30 bekaren deialdia egingo du karrera judizialerako, fiskaltzarako eta idazkaritza judizialerako sarbidea errazteko (2015-09-01(e)ko Kontseiluan hartutako erabakiaren laburpena)

2015.eko irailak 01

Agindua, Karrera Judizialera, Fiskalera eta Idazkaritza Judizialeko Kidegora iristeko prestaketa-laguntzetarako 2016ko deialdia egiteko eta laguntza horiek arautzeko dena.

LABURPENA

Eusko Jaurlaritzak 198.000 euro inbertituko ditu deialdi horretan, Euskadiko justizia-administrazioan egonkortasuna eta belaunaldi erreleboa bermatzeko helburuarekin.

Eusko Jaurlaritzak 1983. urteaz geroztik eskaini ditu gisa horretako bekak, hizpide duen zerbitzu publikoaren eraginkortasuna eta kalitatea hobetzeko.

Gobernu Kontseiluak gaur onartu du 2016ko ekitaldirako deialdia. 30 beka eskainiko ditu, karrera judizialerako, fiskaltzarako eta idazkaritza judizialerako oposizioak prestatzeko. Deialdira 198.000 euro xedatu ditu; beraz, 30 onuradunek 6.600na euro jasoko dituzte.

Urtebeterako bekak izango dira eta eskatzaileek tutore profesional bat izan beharko dute, prestakuntzan laguntzeaz gain, bilakaerari buruzko hiru hilean behingo txostena egiteaz arduratuko dena.

Ez dira beka horiek lortzeko hautagai izan ahalko Zuzenbideko lizentzia edota gradua duela 7 urte baino gehiago lortu dutenak. Gainera, bekak emateko garaian, besteak beste, eskatzailearen egoera ekonomikoa, ikasketa-espedientea eta euskararen ezagutza hartuko dira kontuan.

Eskaerak egiteko epea hilabete batekoa izango da deialdia Euskal Herriko Agintaritzaren Aldizkarian argitaratzen denetik aurrera. Aurreikuspenen arabera, hil honetan argitaratuko da. Interesdunek ZUZENEAN zerbitzuan, Eusko Jaurlaritzaren herritarren arretarako bulegoetan, aurkeztu ahalko dituzte eskaerok, baita webgune honetan ere: www.euskadi.eus.

EGONKORTASUNA ETA KALITATEA

Eusko Jaurlaritzak 1983. urteaz geroztik eskaini ditu beka horiek, eta, guztira, Euskadiko organo judizialetan karrera judizialera, fiskaltzara eta idazkaritza judizialera heldu diren 87 onuradun izan dituzte.

Zuzenbidean lizentziatutako pertsonak karrera judizialean, fiskaltzan eta idazkaritza judizialean sartzea sustatzea eta erraztea da xedea. Horrenbestez, Eusko Jaurlaritzak Euskadiko justizia-administrazioaren belaunaldi-erreleboa bermatzen du. Horretaz gain, beka horiek hizpide dugun zerbitzu publikoaren eraginkortasuna eta kalitatea hobetzeko lagungarriak dira eta herritarrek justizia-administrazioarekiko duten gogobetetasuna eta konfiantza areagotzen dituzte.

2 iruzkin
  • Faceless avatar thumb 70
    Zerbait esan nahi duzu?… iruzkindu albiste hau
  • @TGabogados
    2015.eko irailak 09

    Comentario de Twitter:
    RT @directorio_judi: El Gobierno Vasco convoca 30 becas para facilitar el acceso a la carrera judicial, fiscal http://t.co/TpVWduLdsz #Dire…

  • @directorio_judi
    2015.eko irailak 09

    Comentario de Twitter:
    El Gobierno Vasco convoca 30 becas para facilitar el acceso a la carrera judicial, fiscal http://t.co/TpVWduLdsz #DirectorioJudicial