Lehendakariak Tailandiako enbaxadorea hartu du

Iñigo Urkullu lehendakariak Tailandiako enbaxadore Busaya Mathelin andrea hartu du gaur goizeko lehen orduan, Ajuria Enea Jauregian. Bileran izan dira, halaber, legazioko lehen idazkaria, Kasem Sialuenam jauna, eta Eusko Jaurlaritzako Kanpo Harremanetarako idazkari nagusia, Marian Elorza.

Busaya Mathelin andreak 2014ko ekainean aurkeztu zituen bere egiaztagutun diplomatikoak eta lan garrantzitsua egin du ekonomiaren alorrean, Asiako herrialde horretan energia berriztagarriak garatzeari buruzko interesa agertuz bereziki.