Lehendakariak EHIGE elkartearen ordezkaritza bati harrera egin dio

Iñigo Urkullu lehendakaria eta Cristina Uriarte sailburua EHIGE -Euskal Herriko Ikasleen Gurasoen Elkartearen ordezkaritza batekin batzartu dira, Euskal Eskola Publikoaren jaia dela eta. Aurten, jaia ekainaren 7an, izango da Elgoibarren. 

Lehendakaritzan izan den bilerara EHIGEren presidente den Carlos López Losada; Miren Lourdez koordinatzailea eta beste bi ordezkari bertaratu dira, Arrate Iriondo eta Noemí Otegi.