Eusko Jaurlaritzako Heziketa eta Ikaskuntza Zuzendaria, Ramón Martínez de Murguía, gaztelangabeziaren aurka borrokatzeko europar ekimenei buruzko konferentziaren burua izan da

Ekimena EARLALL europar sarearen baitan gauzatu da, Euskadiren presidentzia-aldian

    Gutxi gorabehera ehun aditu eta europar eskualdeetako ordezkari bildu dira Bruselan, europar instituzio eta plataformekin batera, Eusko Jaurlaritzaren ekimenez eta Euskadiren EARLALL europar sarearen presidentziaren baitan, gazte-langabeziaren aurka borrokatzeko europar ekintzen inguruko tokiko eta eskualdeko ikuspegia eskaintzeko eta zehazteko. Ekitaldian, gainera, gazteriaren europar plataformak parte hartu du, europar gazteriaren ahotsa eta iritzia bermatuz.

    “Youth Guarantee: From regional to local implementation” izenburuarekin, urtarrilaren 29an konferentzia bat egin da Euskadiren Europar Batasuneko Ordezkaritzan, Bruselan. EARLALL-Europako Eskualde eta Tokiko Agintaritzen heziketa etengaberako Elkartearen lanaren baitan –Euskadiko du europar plataforma honen presidentzia-, Eusko Jaurlaritzako Heziketa eta Ikaskuntza Zuzendari Ramón Martínez de Murguíak aurkeztu ditu gazte-langabeziari aurre egiteko xedez euskal exekutiboak abian jarri dituen neurriak.

Eusko Jaurlaritzaren enplegua sustatzeko estrategia azaldu ondoren, Martínez de Murguíaren solasaldiaren ardatza izan da azaltzea ekonomia bizkortzeko eta enplegua sortzeko xedez Euskadin abiatu diren neurriak, politika estrukturalak eta pizgarriak. Euskal exekutiboaren ordezkariak 4 jardunbide nagusiak azaldu ditu bere hitzaldian: gazte ekintzaileen aldeko sostengua, heziketa duala, eta Lehen Aukera eta gazte-talentua programak.

Azpimarratzekoa da konferentziako paneletan parte hartu dutela Europako Batzordeko Lanbide heziketa eta hezkuntza Zuzendariak, Europako Batzordeko gazte-langabeziaren taldeko buruak, Lazio eta Toskana eskualdeetako enplegu eta hezkuntza Kontseilariek, Asturias eta Galesko ordezkariek, Eurocities eta Eurofund europar sareetako ordezkariek eta Europako gazteriaren elkarteen European Youth Forum plataformak.

EARLALL – Europako Eskualde eta Tokiko Agintaritzen heziketa etengaberako Elkartea

EARLALL irabazi-asmorik gabeko nazioarteko elkarte bat da, 2001an eratua eskualdeetako gobernuen ekimenez. Bere asmoa da lankidetza estuan lan egitea heziketa etengabearen eremuan. 

2014ko maiatzaz geroztik Eusko Jaurlaritzaren presidentzia izanik, gaur egun 33 kide biltzen ditu, bai eskualdeetako Agintaritzak eta bai heziketa etengabearen alorrean lan egiten duten erakundeak, elkarrekin lan egiteko asmoz, eta, halaber, eskualde eta tokiko Agintaritzek heziketa etengabearen baitan Europa mailan jokatzen duten rola indartzeko eta hobeto bistaratzeko.

EARLALL hiru helburu nagusi hauekin eratu zen:

• Heziketa etengabearekin zerikusia duten politiketan eragina izatea, Europa osoan, eta eskualdeek alor horretan jokatzen duten rola indartzea.
• Bere kideen arteko lankidetza erraztea, esperientzien eta jardunbide egokien trukea sustatzeko Europako eskualdeen eta tokiko agintaritzen artean.
• Ekintza eta proiektu bateratuak garatzea heziketa etengabearen alorrean.