Eusko Jaurlaritzak Uholde-arriskuaren Aurkako Larrialdietako Plan berezi berria onartu du

Gobernu Kontseiluak gaur onartu du EAEko Uholde-arriskuaren aurkako Larrialdietako Plan Berezia, 1999ko ekainaz geroztik indarrean egon den Uholdeen Plana ordezkatuko duena, kalte pertsonalak eta materialak minimizatu eta, aldi berean, uholde-egoeran zer-nola jardun azaltzeko.

Honez gain, Beltrán de Herediak Euskadiko Babes Zibilaren Plana-Larrialdiei Aurregiteko Bidearen aparteko berrikuspenaren berri eman du. Honen bidez larrialdietako hiru faseak, alerta, larrialdia bera eta oneratzeko fasea), are modu argiagoan bereiziko direla ziurtatu du sailburuak. 

Bestalde, Jaurlaritzaren bozeramaile eta Herri Administrazio eta Justizia sailburu Josu Erkorekak jakinarazi du bihartik aurrera, Gobernuari edo sektore publikoari buruzko edozer informazio eskatu nahi duten pertsonek 20 egun baliodunen buruan izango dutela Jaurlaritzaren erantzuna. Sailburuak azaldu du eskaeretan identifikatzea nahitaezkoa izango dela, baina dela beharrezkoa izango informazio-eskaera arrazoitzea. Herritarren harretarako ZUZENEAN zerbitzuak jasoko ditu eskaerak eta errekurtsoa nahi izanez gero, Gardena Gardentasunaren Euskal Agentzia lanean ez dagoen bitartean eman zituen organoaren aurrean aurkeztu ahal izango da helegitea. 

Eusko Jaurlaritzaren Kontseiluak hartutako erabaki nagusiak (2015.01.13)