Errusiako poliziaren zenbait ordezkarik Ertzaintzaren instalazioak bisitatu dituzte

 

Madrileko enbaxadako polizia-bitartekari eta Errusiako poliziaren koronel aholkulari Alexander Trofimets eta Penintsulako iparraldeko kontsulatuko arduradun Konstantin Dorokhin izan ziren Errusiako ordezkariak.

Ertzaintzaren Harreman Instituzionalen eta Komunikazio Zerbitzuak antolatutako bisitaldian, Ertzaintzako ikerketa kriminaleko eta inteligentziako arduradunekin eta Ertzaintzako zuzendariarekin elkarrizketatu dira, besteak beste.

Errusiako ordezkariek Erandioko zentraleko instalazioak bisitatu zituzten atzo, asteartea, baita Inteligentziaren bulego nagusia eta ikerketa kriminalekoa ere. Gainera, Bilboko ertzain-etxean ere izan ziren. Gaur, asteazkena, polizia zientifikoaren instalazioetan izan dira, Erandion.

Lan bileretan, lan-prozedurei buruzko informazioa azaldu diote elkarri, batez ere, antolatutako delinkuentziari eta terrorismoari aurre egiteko nazioarteko lankidetzaren arlokoa.