Lehendakariak Euskal Herria “Euskara Herria” bihurtzeko deia egin du

Iñigo Urkullu lehendakaria; Hezkuntza, Hizkuntza Politika eta Kulturako sailburua den Cristina Uriarte; eta Hizkuntza Politikarako sailburuordea den Patxi Baztarrika, Euskararen Nazioarteko Eguna ospatzeko ekitaldian izan dira gaur arratsaldean, Lehendakaritzako atarian.

Lehendakariak Eusko Jaurlaritzak ekainaren 24an Euskararen Agenda Estrategikoa aurkeztu zuenean eman zuen “pausu nabarmena” gogoratu du. Horren helburu nagusia Eusko Jaurlaritzak legegintzaldi honetan hizkuntza politikaren arloan izango duen jardun nagusia zehaztea da.

Euskararen Nazioarteko Eguna urtero ospatzen da abenduaren 3an eta tradizio handikoa da, nahiz eta 1995. urtera arte ez zen instituzionalizatu, Eusko Jaurlaritzaren eta Euskaltzaindiaren lankidetzari esker.

Orduz geroztik, erakunde publiko eta pribatu ugarik antolatzen dituzte euskarari omenaldia egiteko eta erabilera sustatzeko askotariko ekintzak.