Polizia eta Larrialdietako Euskal Akademiak antolatutako “Parez pare” jardunaldietan profil kriminologikoaren printzipio teorikoak eta operatiboak aztertuko dituzte

 

Delinkuentziari, marjinaltasunari eta gizarte-harremanei buruzko nazioarteko ikerketa-zentroko zuzendari eta EHUko Gizarte Psikologiako irakasle Cesar San Juan Guillén izan zen gaizkileen profil psikologikoaren gainean hitz egiteko arduraduna.

Hitzaldian, EHUko irakasleak psikologia kriminalari buruzko sarrera egin zuen, eta profiling edo profil psikologikoaren gaineko eskolak eta biktimologia azaldu zituen. Halaber, modus operandi ezberdinez eta gaizkileen sinaduraz, gaizkileek jarduteko arrazoiez eta sexu-erasotzaileez aritu zen.

Arkauteko Akademian «Parez pare» zikloaren barruan egin duten azken hitzaldia izan da. Maiatzean, antolatutako delinkuentzia jorratu zuten; ekainean, nazioarteko terrorismoa:; irailean, ziberdelinkuentzia; urrian, herritarren segurtasunerako ikuspegi berriak eta prebentzioaren eta kalteen arteko polizien jardunbide onak. 2015ean beste ziklo bat egingo dute, eta hilero polizien jardunarekin lotutako gai bat landuko dute.