Berriak Ekonomiaren Garapena eta Lehiakortasuna
Eu

Bilbok Euskadin osasun eta ongizate turismoaren oinarriak ezartzeko lan egingo du

2014.eko azaroak 17
 
 
  • Osuneko eta ongizateko turistaren profilarekin bat datozen zerbitzuen eskaintzaren inbentarioa egingo da, produktu horien sustapena eta merkaturatzea bultzatzeko
  • Andoni Aldekoak, Bilboko Udaleko Politika Ekonomien eta Plangintzaren koordinatzaileak, eta Itziar Espalzak, Eusko Jaurlaritzako Merkataritza eta Turismo sailburuak, osasun eta turismo arloko profesionalei Mediku eta ongizate turismoko proiektua aurkeztu diete
  • University of Chicago Medicineko zuzendari exekutiboa den Emilio Williamsek Euskalduna Jauregian egin den topaketan parte hartu du; “Arreta paziente atzerritarrari" hitzaldia eman du

Osasuneko eta ongizateko turista –bere gastua aisiako turistaren gastua baino sei-hamar aldiz handiagoa da eta batez besteko egonaldia 10 eta 20 egun bitartekoa– aukera bat da Bilbo bezalako hirientzat, alegia, jarduera ekonomiko horrek eman dezakeen guztia garatu nahi dutenentzat.  Hori da Andoni Aldekoa Bilboko Udaleko Politika Ekonomien eta Plangintzaren koordinatzaileak eta Itziar Espalza Eusko Jaurlaritzako Merkataritza eta Turismo sailburuak sektoreko profesionalei gaur Euskalduna Jauregian egin den ekitaldian eman dieten mezua. Ekitaldia amaitzeko Emilio Williamsek parte hartu du, University of Chicago Medicineko zuzendari exekutiboak, “Arreta paziente atzerritarrari" hitzaldiaren bidez.

Ekintzetan, produktuen eta zerbitzuen dokumentu-karpeta bat egiten da eta osasunari, ongizateari eta edertasunari lotutako jarduera eta produktu berriak garatzen dira, hirirako, lurralderako eta autonomia erkidegorako estrategiaren zati bat bezala, merkatu hau sustatzeko. Harremanak sortuko dira eta harremanak ezarriko dira sektoreko agente nagusiekin, osasunaren eremuan aukerak dituzten turistak erakartzeko. Asmo horrekin, osasuneko eta ongizateko turistaren profilarekin bat datozen zerbitzuen eskaintzaren inbentarioa egingo da, eta produktu honen sustapenean eta merkaturatzean lan egingo da; horretarako, sektore honetan espezializatutako ekitaldiak erakarriko dira eta mediku eta osasun turisten merkatu igorleetan ekintza bereziak garatuko dira.

Osasun turismoa: aukera bat

Mediku edo osasun motiboak direla eta bidaiatzen diren pertsonek profil zehatza dute: klase ertaina-altua eta klase ertaina-ertaina, pertsona autonomoak edo 65 urtetik gorako erretiratuak edo mediku aseguruak estaltzen ez duen tratamendua behar duten pazienteak. Profil hori dela eta, turismo horrek eragiten dituen diru sarrerak handiagoak dira, eta eragin ekonomikoa handiagoa da hartzaileentzat.

Osasun bidaiak egiteko motibazio nagusiak honako hauek dira: tratamenduen prezio lehiakorrak bidaiariak bizi diren lekuetakoak kontuan hartuta, tratamenduaren baliabideak edo teknologia aplikagarria, eskuragarritasun azkarra eta profesional medikoen esperientzia egiaztatua. Ugalketa tratamenduak, osasun azterketak, zahartzearen kontrakoa, fisioterapia, errekuperatzeko tratamenduak, aisia egokitua, ospitaleak, ostatu hartzeak medikuen arretarekin eta erlaxatzeko instalazioak dira turista horiek eskatzen dituzten zerbitzuetako batzuk.

Bilbao-Bizkaia eta Euskadiren ingurune naturala eta osasuntsua, zentro pribatuetako gama altuko programa eta tratamendu aurreratuak, terapia alternatiboak eta pertsonalizatuak eta programa osagarriak dira esperientzia osasuntsu osoa bilatzen duen bisitariarentzako abiapuntu.

 

Munduko populazioaren zahartzeak eta zenbait gaixotasunen bilakaerak –esaterako, estresa, insomnioa, gizentasuna, lan dinamikak…– besteak beste, jendea darama ebakuntza kirurgikoak eta tratamendu espezializatuak egiteko eta urteetan aurrera egin ahala sortzen diren narriatze fisikoa eta osasunekoa zuzentzeko edo arintzeko leku egokien bila bidaiatzera.

Arreta paziente atzerritarrari

Gaurko ekitaldian, Euskalduna Jauregian, Emilio Williams egon da, University of Chicago Medicineko zuzendari exekutiboa, eta “Arreta paziente atzerritarrari” hitzaldia eman du, medikuntzarekin, osasunarekin eta turismoarekin lotutako sektoreetako ordezkari eta agenteen aurrean. Williams aditu ezaguna da ospitale eta osasun kudeaketan, eta aholkularia izan da Ameriketako Estatu Batuetako ospitale eta unibertsitate prestigiodunetako batzuetan.

 

 

 

 

 



Iruzkin bat
  • Faceless avatar thumb 70
    Zerbait esan nahi duzu?… iruzkindu albiste hau
  • @CyberEuskadi
    2014.eko azaroak 17

    Comentario de Twitter:
    "Bilbao trabajará para sentar las bases del turismo de salud y bienestar en Euskadi" http://t.co/5UFCT7kGa4

Komunikabideek behera kargatzeko
Ekitaldiko kargudunak
(X legealdia 2012 - 2016)
Beste gonbidatu batzuk
  • Andoni Aldekoa