Berriak Lehendakaritza
Eu

Lehendakaria Zinemaldiaren inaugurazioan izan da

2014.eko irailak 19

Iñigo Urkullu eta Hezkuntza, Hizkuntza Politika eta Kulturako sailburu Cristina Uriarte Donostia Zinemaldiaren 62. edizioaren inaugurazio-galan izan dira gaur gauean, Kursaal auditoriumean.

Iluntzeko bederatziak aldera hasi da gala, eta Karra Elejalde eta Edurne Ormazabal izan dira aurkezle-lanetan. Denzel Washington New Yorkeko aktoreak 2014ko Donostia Saria jasoko du Antoine Fuqua zuzendariaren eskutik.

Biek The Equalizer filma aurkeztu dute (ondoren eman dute, eta lehiaketatik kanpo dago); filma Washingtonen eta Fuquaren arteko azken lankidetza da, Training Day arrakastatsuaren ondoren.

Zinemaldia irailaren 27an amaituko da, eta, urtero bezala, mundu osoko zinema-izarrak Donostiatik ikusteko parada bikaina izango da.

Oraindik ez dago iruzkinik
  • Faceless avatar thumb 70
    Zerbait esan nahi duzu?… iruzkindu albiste hau
Ekitaldiko kargudunak
(X legealdia 2012 - 2016)