Berriak Ingurumena eta Lurralde Politika
Eu

Bilboko Aste Nagusia: Euskotrenek jaietako zerbitzu bereziekin jarraituko du

2014.eko abuztuak 20

Euskotrenek Bilboko Aste Nagusiko azken egunetan gaueko tren eta tranbia zerbitzuekin jarraituko du.

TRENA

Tren bereziek Aste Nagusiko gauetan zehar joan-etorrien beharrizanak bete nahi diren linea guztiak indartuko dituzte eta horrela hurbilen dauden herrietako lagunek jaiak lasaiago gozatzeko aukera izango dute.

Ohiko eskaintza osatuko duten tren bereziek, eguneko 24 ordutan zehar hiritarrei zerbitzua eskaintzeko aukera izango dute. Abuztuaren 16ko, 22ko eta 23ko gauetan bereziki indartu egingo dira. Egun horietan asteburua izateagatik jende kopuru handiagoa aurreikusten da.

Zazpi Kaleak-Lezama linean (Txorierri) gau guztietan, igandea abuztuaren 24a izan ezik, norabide bietan orduro trenak egongo dira.

Bermeo-Bilbo (Urdaibai) linean trenak ordu birik behin eskainiko dira, nahiz eta ordutegiak eta maiztasunak geltokiaren eta asteko egunen arabera aldatu (ikusi eransten den koadroa).

Azkenik Bilbo – Durango – Elgoibar –Deba ibilbidea indartzeko zerbitzu bat egokituko da, gau osoan zehar tren bereziak eskainiz, 19:30etik 7:30era (ikusi eransten den koadroa).

Jende pilaketak ekiditeko eta zerbitzu erosoago bat eskaini ahal izateko Euskotrenek aholkatzen du Barik txartela erabiltzea edo joaneko bi txartel erostea itzultzerakoan ilarak saihesteko.

BILBOKO TRANBIA

Bilboko tranbia Aste Nagusian egunean zehar 22 ordu ibiliko da. Jai egun horietan, tranbiaren zerbitzua egun osoan zehar ibiliko da eta bakarrik geratuta egongo da su artifizialak jaurtitzen diren unean.

Era berean, Atxuri eta Pio Baroja geralekuen artean dagoen tartean, tranbia bakarrik zerbitzuan egongo da zerbitzua hasten denetik 17:12ra arte.

Abuztuaren 17tik 23ra

GOIZEAN
• Zerbitzua hastea
Pio Barojatik : 7:51
Ospitaletik :7:31

• Atxuri-Pio Baroja tartea zerbitzurik gabe:
- 18tik 22ra 8:43rarte-8:58rarte
- 17an eta 23an 9:13rarte-9:28rarte

ARRATSALDEAN
• Atxuri-Pio Baroja tartea zerbitzurik gabe 17:13tik aurrera

GAUEAN
Su artifizialak:
• Azken zerbitzua:
Pio Barojatik . . . . . . . . . . 22:06
La Casillatik . . . . . . . . . . 22:26


• Zerbitzua berrezartzea:
Uribitarten . . . . . . . . . . 23:07
Pio Barojan . . . . . . . . . . 23:16
La Casillan . . . . . . . . . . 23:26

Gaueko zerbitzu bereziak:
• 10 minuturik behin 23:36rarte La Casillarantz eta 23:56rarte Pio Barojarantz.
• 15 minuturik behin ordu horietatik aurrera.
• Azken zerbitzuak:
Pio Barojatik hasita . . . . . 5:06
La Casillatik hasita . . . . . 4:26

Abuztuaren 24a

GOIZEAN
• Zerbitzua hastea
Pio Barojatik . . . . . 7:51
Ospitaletik . . . . . 7:31

• Atxuri-Pio Baroja tartea zerbitzurik gabe
9:13rarte eta 9:28rarte.

ARRATSALDEAN
• Atxuri-Pio Baroja tartea zerbitzurik gabe 17:12tik aurrera.

GAUEAN
Su artifizialak:
• Azken zerbitzua:
Pio Barojatik . . . . . . . . . . 22:06
La Casillatik . . . . . . . . . . 22:26

• Zerbitzua berrezartzea:
Uribitarten . . . . . . . . . . 23:07
Pio Barojan . . . . . . . . . . . 23:16
La Casillan . . . . . . . . . . . 23:26

Gaueko zerbitzu bereziak:
• 10 minuturik behin 23:36rarte La Casillarantzeta 23:56rarte Pio Barojarantz.
• 15 minuturik behin ordu horietatik aurrera.
• Azken zerbitzuak:
Pio Barojatik hasita . . . . . 2:06
La Casillatik hasita . . . . . . 1:26

Informazio gehiago behar duten erabiltzaileek, Euskotrenen 902 543 210 informazio telefono zenbakira dei dezakete. Horrez gain, geltokietan eta geralekuetan eta www.euskotren.es webgunean ere jaso ahal izango dute informazioa eta twitter helbide honetan @euskotrenEJGV 

Oraindik ez dago iruzkinik
  • Faceless avatar thumb 70
    Zerbait esan nahi duzu?… iruzkindu albiste hau