Berriak Lehendakaritza
Eu

400.000 euro Gaza eta Siriako herriei janari laguntza emateko (2014-07-01(e)ko Kontseiluan hartutako erabakiaren laburpena)

2014.eko uztailak 01

LABURPENA

Jaurlaritzaren Kontseiluak gaur ekintza humanitarioko bi laguntza ematea onartu du. Laguntza horiek UNRWA Euskadi Agentziari (Errefuxiatuen aldeko ONUko Agentzia) eman zaizkio Gaza eta Siriako bizilagunei janari laguntza emateko. Diru laguntzak ia 400.000 eurokoak dira eta Lankidetzarako Euskal Agentziak ematen dituen larrialdietarako eta ekintza humanitarioetarako etengabeko finantzaketa-lerroan daude; diru-laguntza horiek urte bukaerako 2,6 milioi eurokoak izango dira.

Zehazki, 200.000 euroko diru-laguntza eman da Siriako gatazka dela-eta lekuz aldatuta dauden bizilagun errefuxiatuei janari laguntza emateko. Laguntza 8.500 janari-saski erosteko izango da eta horiek Sirian UNRWAk dituen zelaietan dauden familien eguneroko oinarrizko beharretarako izango dira.

Horretaz gain, Jaurlaritzaren Kontseiluak argi berdea eman dio 200.000 euroko beste laguntza bat emateari. Laguntza hori UNRWA agentziak jasoko du Gazako (Palestina) zerrendan dauden bizilagunei janari laguntza emateko. Euskadiren laguntza Larrialdi Programaren barruan UNRWA-k Gazan janari laguntzarako urtero egiten dituen lau erronda osatzeko izango da, eta horrek 20.000 pertsonen nutrizio egoera hobetzeko aukera emango du, inguru horretako bizilagun ahulenen egoera hobetzeko, hain zuzen.

Oraindik ez dago iruzkinik
  • Faceless avatar thumb 70
    Zerbait esan nahi duzu?… iruzkindu albiste hau