Lehendakariak berrikuntzaren alde egiten du, makina-erremintaren eraikuntzan onenak izateko
Iñigo Urkullu lehendakariak Makina Erremintaren Bienala (BIEMH 2014) inauguratu du gaur goizean, Bilbao Exhibition Centre-n. Lehendakariak helburu bat jarri du: makina-erremintaren «ekoizle onenak izatea». Hori lortzeko bide bakarra, bada, berrikuntza da, esan duenez. Berrikuntza eta Ekoizpen Aurreratua Eusko Jaurlaritzaren apustu estrategiko bat da.
Inaugurazioan, enpresen arloko hainbat pertsona izan dira, bai eta euskal erakundeen zenbait ordezkari ere. Iñigo Urkullu lehendakariak ziurtatu du bere Gobernuak industriarekin konprometituta jarraituko duela. Gogorarazi du, bada, orain dela egun gutxi euskal ETEen esportazio-jarduera laguntzeko programa bat jarri dela abian, 100 milioi euroko zuzkidurarekin.
Makina Erremintaren Bienalaren 28. edizioan, Bilbao Exhibition Centre-n, 27 herrialdetako 1.314 erakusle bildu dira; alegia, azken edizioan baino % 12 gehiago. BIEMH kontinenteko hiru azoka garrantzitsuenetako bat da, eta makina-erremintaren industrien eta banatzaileen Europako elkarteek errekonozitzen dute. Sailburuaren hitzetan, azoka honek jarduera eta negozioaren suspertze ekonomikoa bilatzen du. Aurreikusitako eragina, Barne Produktu Gordinari dagokionez, 30 milioi euro ingurukoa izango da, 4,5 milioi euroko zerga-bilketarekin.
-
-
2014.eko ekainak 04
En la Innovación de la máquina herramienta y en todo lo que hagamos. La innovación y el trabajo bien hecho debe calar muy profundamente en TODA la sociedad para salir de esta crisis y estar preparados para la siguiente que, tarde o temprano vendrá porque los competidores no están durmiendo.
-
2014.eko ekainak 04
Comentario de Twitter:
El lehendakari apuesta por la innovación para ser "los mejores" en la construcción de máquina herramienta http://t.co/nf3vKw6iYC -
Azpititulatutakoa (Closed Captions)
