Berriak Segurtasuna
Eu

Saharako poliziari material gehiago ematea adostu da

2014.eko maiatzak 27

Bulegoko altzariak, arropa eta ekipo elektrogenoak

Saharako Errepublika Arabiar Demokratikoko Poliziari materiala doan lagatzea onartu du gaurko bileran Gobernu Kontseiluak, Segurtasuneko sailburuak proposatuta. Dagoeneko erabiltzen ez den materiala da, baina oraindik ere baliagarria izan dakioke Saharako Poliziari bere zereginetarako. Jaurlaritzak eta Segurtasun Sailak eta Saharako herriari laguntzeko duten politikari jarraiki egingo da lagapena.

Bulegoko materiala –esaterako, mahaiak, aulkiak, armairuak eta idazteko makinak– eta arropa –besteak beste, anorakak eta hainbat motako zapatak– lagako zaizkio Saharako Errepublika Arabiar Demokratikoko Poliziari, erabaki denez. Gainera, zenbait ekipo elektrogeno eramangarri ere emango zaizkio. Material guztia Bizkaiko SEADren Lagunak elkarteari emango zaio, eta elkarteko boluntarioak arduratuko dira materiala Sahara eramateaz eta bertakoei emateaz.

Eusko Jaurlaritzako Segurtasun Sailak, Ertzaintzak eta Polizia eta Larrialdietako Euskal Akademiak lankidetza-politika bat dute Saharako herritarrak prestatu eta artatzeko, eta material-dohaintza hau horren ildotik egingo da. Aurretik ere egin izan da dohaintzarik, batik bat, erabiltzen ez diren autoak eta material humanitarioak, eta, gainera, Ertzaintzak eta Arkauteko Akademiak lankidetza eskaini dute Saharako polizia-agintariak prestatzeko.

4 iruzkin
  • Faceless avatar thumb 70
    Zerbait esan nahi duzu?… iruzkindu albiste hau
  • 2014.eko maiatzak 30

    siempre han estado a nuestro lado los vascos tanto govbierno,partidos y un agrdecimiento a la ertzaintza por su colaboracion para formas cuadros en la policia saharaui

  • @JoanesAsua
    2014.eko maiatzak 28

    Comentario de Twitter:
    RT @etxegoyen_irun: Aquellos inconfundibles vehículos de la Ertzaintza en el desierto de mi corazón...
    Colaborar, cooperar, hacer país.
    htt…

  • @etxegoyen_irun
    2014.eko maiatzak 28

    Comentario de Twitter:
    Aquellos inconfundibles vehículos de la Ertzaintza en el desierto de mi corazón...
    Colaborar, cooperar, hacer país.
    http://t.co/kBAtZKLLqz

  • @rgartzia
    2014.eko maiatzak 27

    Comentario de Twitter:
    Aprobada una nueva donación de material a la Policía saharaui... http://t.co/tDemIlVFKb