Berriak Ekonomiaren Garapena eta Lehiakortasuna
Eu

Gobernu Kontseiluak ebatzi du Corrugadosi 2012an emandako 5 milioiko partaidetza-mailegua itzultzea galdatzen duen txostena. (2014-03-04(e)ko Kontseiluan hartutako erabakiaren laburpena)

2014.eko martxoak 04

Erabakia, Corrugados Azpeitia, S.L., Grupo Alfonso Gallardoren kidea, irekitako ez-betetze espedientea ebazteko dena, hain zuzen ere, hasierako inbertsioak egiteko eta, proiektu estrategikoa izanik, inbertsio horiekin lotutako enplegua sortzeko programaren barruan onartutako itzuli beharrik gabeko diru-laguntza dela-eta (2006ko deialdia).

LABURPENA

Gobernu Kontseiluak, 2012ko urtarrilaren 24an, ALFONSO GALLARDO taldeko CORRUGADOS AZPEITIA, SL enpresari partaidetza-mailegua ematea baimendu zuen, proiektu estrategikoei ekin ahal izateko hasierako inbertsioetarako eta inbertsiooi loturiko enplegua sortzeko laguntza-programaren esparruan.

Ekonomiaren Garapen eta Lehiakortasun Sailak eginiko segimenduan laguntza eskaini zeneko baldintzak bete ez izanaren zantzuak topatu zirenez, 2013ko uztailaren 24an ez-betetzeagatiko espedientea hastea erabaki zen ALFONSO GALLARDO taldeko CORRUGADOS AZPEITIA, SL enpresaren aurka. Ez-betetzearen arrazoien artean, azkentzeko EEE bat aurkeztu izana aipatu behar da, aurrez finkatutako helburuak lortzea eragozten duelako.

Mailegua emateko ezinbestekoa zen bideragarritasun-plana betetzea. Plan horren xedea kudeaketa hobetzea eta nazioartekotzearen alde egitea zen, bata zein bestea Proiektu Estrategikoen Funtsaren filosofiarekin bat zetozen ekintzak zirenak. Halaber, enpleguari eta jarduerari eutsi behar zion enpresak.

Proposatutako partaidetza-maileguaren bitartez, Alfonso Gallardo taldeak mailegu-hartzailearen (CORRUGADOS AZPEITIA, SL) Bideragarritasun-plana betetzeko eta jarduerari eta enpleguari eusteko behar beste merkataritza-eragiketa bultzatu behar zuen nahitaez 2012-2019 aldian.

Oraindik ez dago iruzkinik
  • Faceless avatar thumb 70
    Zerbait esan nahi duzu?… iruzkindu albiste hau