Berriak Enplegua eta Gizarte Politikak
Eu

7.326 langabe gutxiago daude, eta azken hamar urteetako abendurik onenarekin itxi du 2013a Euskadik

2014.eko urtarrilak 03

2013ko abenduan, 7.326 langabe gutxiago zeuden Lanbideko erregistroetan, hots, aurreko hilean baino % 4,19 gutxiago. Hortaz, azken hamar urteetako abendurik onena izan da. Gainera, langabezia-beherakadarik handiena izan duen autonomia-erkidegoa izan da Euskadi (estatuko maila baino 1,95 puntu gorago). 

Euskal Enplegu Zerbitzuaren erregistroen arabera, 167.374 lagun zeuden enplegu-eske EAEn aurreko hilaren amaieran (% 15,9). 

Gizarte Segurantzaren afiliazioak ere bide positiboari heldu zion, eta azaroan baino 1.019 afiliatu gehiago egon ziren. Hiru lurraldean sortu zen enplegua: Araban, 323 afiliatu berri egon ziren (% 0,23 gehiago), Bizkaian, 547 gehiago (% 0,12 gehiago) eta Gipuzkoan 148 gehiago (% 0,05 gehiago). Kontratazio gehiago egin ziren, halaber; hain zuzen ere, azaroan baino % 2,2 gehiago, bai eta 2012ko abenduan baino % 10,7 gehiago ere.

Langabezia-murrizketak gizonei eta emakumeei eragin zien positiboki, baina gehiago emakumeei: % 5,31 azken horiei eta % 3,02 gizonei, zehazki. Gazteen artean nabaritu zen gehien langabezia-murrizketa. Hori horrela, 25 urtetik beherakoen artean % 25,87 murriztu zen; 25 eta 44 urte artekoen artean % 3,17 eta 44 urtetik gorakoen artean, berriz, % 1,33.

Jarduera-sektorearen arabera, aldiz, langabezia-beherakada zerbitzuen sektorean zentratu zen batik bat, % 5,03ko beherakadarekin, eta "Aurreko enplegurik gabeko pertsonen" atalean, % 10,98ko beherakadarekin. Nekazaritzan eta industrian langabezia-beherakada txikia izan zen, eta eraikuntzan langabeziak pixka bat egin zuen gora (% 0,89). 

Jarduera hauetan gutxitu zen gehien langabezia: Txikizkako merkataritza (1.071 pertsona gutxiago),  eraikuntzetarako zerbitzuak eta lorezaintza-jarduerak (591 gutxiago), janari- eta edari-zerbitzuak (519 gutxiago) eta egoitza-establezimenduetako laguntza (514 gutxiago). Kontran, jarduera hauetan handitu zen gehien langabezia: Eraikinen eraikuntza (105 pertsona gehiago), motordun ibilgailuen eraikuntza (83 gehiago), eraikuntza espezializatuko jarduerak (69 gehiago) eta metalezko produktuen eraikuntza (52 gehiago).

Gipuzkoan jaitsi da gehien langabezia (% 5,28). Ondoren, Bizkaian (% 3,92) eta azkenik Araban (% 3,24). Halaber, EAEko eskualde guztietan egin du behera langabeziak, eta bereziki esanguratsua da hiru hiriburuetan izandako beherakada: Donostian, -% 5,35; Bilbon, -% 3,76; eta Gasteizen, -% 2,89).

Eskualde hauetan izan da langabezia-beherakada erlatiborik handiena: Urola Garaia (% 9,12), Lea-Artibai (% 6,94), Donostia mendebaldea (% 5,92) eta Aiaraldea (% 5,91).

2 iruzkin
  • Faceless avatar thumb 70
    Zerbait esan nahi duzu?… iruzkindu albiste hau
  • @cesegab
    2014.eko urtarrilak 04

    Comentario de Twitter:
    RT @Irekia: [BER] 7.326 #langabe gutxiago daude, eta azken 10 urteetako abendurik onenarekin itxi du 2013a Euskadik ►http://t.co/cn2CoZ3KDZ

  • @CyberEuskadi
    2014.eko urtarrilak 03

    Comentario de Twitter:
    "Con 7.326 personas menos en el desempleo, Euskadi cierra 2013 con el mejor diciembre de los últimos diez años" http://t.co/jgUXaJ6kxV

Ekitaldiko kargudunak
(X legealdia 2012 - 2016)