Eusko Jaurlaritzatk baditu jada 2014rako Aurrekontuak

Eusko Legebiltzarrak onartu egin ditu gaur goizean Euskal Autonomia Erkidegoko 2014-eko Aurrekontu Orokorrak, beraz Jaurlaritzak baditu datorren urterako kontuak. Aurrekontu hauek 10.215 milioi eurokoak dira, 2013an aurkeztukoak baino 900 milioi gehiago. Jaurlaritza “pozik” agertu da Ogasun eta Finantza sailburu Ricardo Gatzagaetxebarriaren hitzetan, kontu hauei emandako babesa “egonkortasuna” ekarriko duelako bai ekonomian baita politikan ere. Gatzagaetxebarriaren hitzetan kontuek bermatuko dituzte euskal ongizate eredua eta ekonomiaren sustapenerako jarriko diren neurriak. Sailburuak adierazi duenez, “hondoa jo dugu", baina 2014an %0,9ko hazkunde “motela” izango da.

Aurrekontuak onartu egin dira Euzko Abertzaleen baiezko bozekin. Euskal Sozialistak eta Euskal Talde Popularra abstenitu egin dira, EH Bildu eta UPyD aldiz, kontra egin dute.

Gobernuak aurkeztutako kontu hauen hazkunde handiena Enplegu eta Gizarte Politikak, Hezkuntza eta Osasun sailetan izan da. Hiru sail hauek aurrekontuen %70 suposatzen dute. Honez gain, Jaurlaritzak inbertsioei ere garrantzia eman die ekonomia suspertzeko helburuari jarraituz.

Aurrekontuen azalpena sailez-sail