Berriak Hezkuntza, Hizkuntza Politika eta Kultura
Eu

Euskararen biziberritzeaz eta biziraupenaz aritu da Patxi Baztarrika New Yorken

2013.eko urriak 08

 

Bernardo Atxaga Katedraren kultur programa irekian eman du hitzaldia Hizkuntza Politikarako sailburuordeak, bart gauean

Koldo Mitxelena hizkuntzalariaren bi baieztapen abiapuntu hartuta eman du Patxi Baztarrika Hizkuntza Politikarako sailburuordeak hitzaldia City University of New York unibertsitatean, Bernardo Atxaga katedraren barnean. Euskararen biziraupenaz eta biziberritzeaz jardun du sailburuordeak, "Euskararen misterioa ez da bere jatorria, bere biziraupena baizik" esaldiari tiraka.

Euskararen azken 30-50 urteotako hazkundearen kronika egin du Baztarrikak New Yorkeko hitzaldian, eta hazkunde horren neurriari eta nolakotasunari begiratuta, euskararena kasu paradigmatikoa dela azaldu du. Hiru arrazoi aipatu ditu horretarako. "Alde batetik, erakusten duelako helburu egingarria dela hizkuntza minorizatu bat biziberritzea; bestetik, EAEn, Nafarroan eta Iparraldean izandako bilakaera guztiz ezberdinen arabera, erakusten duelako hizkuntza biziberritzeko zein faktore diren erabakigarriak, hots, lege estatus egokia, hizkuntza politika eragingarria eta herritarren atxikimendua edo gizartearen bultzada". 

Biziberritze horren gako nagusietako bat kontsentsu sozial eta politiko zabala izan dela nabarmendu du Patxi Baztarrikak, eta ondoren euskararen erronkez ere aritu da. "Erronka eta arazo berriak ditu euskarak etorkizunera begira, batez ere hizkuntza bizia eta euskal herritarrentzat eguneroko bizimodurako hizkuntza erabilgarria eta indartsua izateko bidean", azaldu du Hizkuntza Politikarako sailburuordeak. 

Euskara Europan

Patxi Baztarrikak hitzaldirako hautatu duen bigarren baieztapena berriz, hau ere Koldo Mitxelenarena, euskarak munduan behar duen tokiari buruzkoa izan da: "Gure Herriak herrien artean bezala, euskarak ere bere tokia aurkitu behar du hizkuntzen artean". Euskara estatu hizkuntza ez izatea ez da arrazoi, Baztarrikaren aburuz, Europako erakundeetan behar besteko aitormenez onartua ez izateko. "Hizkuntz aniztasunaren aldeko konpromisoa daukagun guztiok erraz onar dezakegu euskarari ere bere garapena segurtatzeko behar adinako tokia egin behar zaiola Europa eta munduko hizkuntzen artean", azaldu du. 

Languages in Contact, Communities in Coexistence  hitzaldi zikloan hartu du parte Baztarrikak bart gauean, Etxepare Euskal Institutuaren Bernardo Atxaga Katedraren barnean. Alboan izan ditu, besteak beste, Mari Jose Olaziregi, Etxepare Institutuaren Unibertsitate Sarearen arduraduna, eta Anxo Lorenzo, Galiziako Xuntako Kultura idazkaria. Bihar, urriak 9, Iñaki Salvador musikariak Mikel Laboari buruzko hitzaldia emango du, Aizpea Goenaga Etxepare Institutuko zuzendariak aurkeztuta.

 

Gasteizen, 2013ko urriaren 8an

6 iruzkin
  • Faceless avatar thumb 70
    Zerbait esan nahi duzu?… iruzkindu albiste hau
  • @JasoIkastola
    2013.eko urriak 09

    Comentario de Twitter:
    Irekia - Euskararen biziberritzeaz eta biziraupenaz aritu da Patxi Baztarrika New Yorken http://t.co/vTq9d4AbMt

  • @gareseuskaraz
    2013.eko urriak 09

    Comentario de Twitter:
    RT @PatxiSaez: .

    Euskararen kasu paradigmatikoa New Yorken.

    1)http://t.co/DGJECNBtqs @pxbaztarrika 

    .

  • @PatxiSaez
    2013.eko urriak 09

    Comentario de Twitter:
    .

    Euskararen kasu paradigmatikoa New Yorken.

    1)http://t.co/DGJECNBtqs @pxbaztarrika 

    .

  • @mirenartetx
    2013.eko urriak 08

    Comentario de Twitter:
    Patxi Baztarrika NYn "I want to wake up, in a city that never sleeps, and find i'm a number one! New York, New York!" http://t.co/e6vuBq9yXq

  • @slklusterra
    2013.eko urriak 08

    Comentario de Twitter:
    RT @Irekia: [BERRIA] Euskararen biziberritzeaz eta biziraupenaz aritu da Patxi Baztarrika New Yorken ► http://t.co/UuvhgFqva7

  • @EuskalSouvenirs
    2013.eko urriak 08

    Comentario de Twitter:
    RT @Irekia_News: Patxi Baztarrika habla de la revitalización y la pervivencia del euskera en Nueva York. http://t.co/NuwGuayrtd

Ekitaldiko kargudunak
(X legealdia 2012 - 2016)