Eusko Jaurlartitzak Senegalen atxilotuta dauden arrantzaleen egoera "laster" konpontzea espero du

Eusko Jaurlaritzak espero du Senegalen atxilotuta dauden Bermeoko arrantzaleei "laster" konponbidea. Horrela adierazi du Josu Erkoreka Eusko Jaurlaritzaren bozeramaile eta Herri Administrazio eta Justiziako sailburuak. Nahiz eta baikor agertu, Erkorekak zuhurtziaz jokatzeko deia egin du.

Josu Erkorekak gogorarazi du Eusko Jaurlaritza atxilotutako arrantzaleen familiekin etengabeko harremanetan dagoela.

Jaurlaritzaren Bozeramaileak Eskola Judizialeko Artezkaritza Kontseiluak Madrilen egin duen bilerara sartu baino lehen egin ditu adierazpenak.

Komunikabideek galdetuta, Josu Erkorekak aste honetan Espainiako Gobernuko presidente ordea Soraya Sáenz de Santamaríarekin izandako bileraren gainean hitz egin du. Jaurlaritzaren Bozeramaleak adierazi duenez, bilera honen helburua harremanetako bidea erreztea zen, batez ere, itun ekonomikoari, kupoari eta Euskal Autonomia Erkidegoko eskumenen kontra izan daitezkeen Lege proiektuei dagokienez.