Berriak Enplegua eta Gizarte Politikak
Eu

Eusko jaurlaritzak eta Bilboko udalak 400 etxebizitza publiko berri eraikitzea adostu dute

2013.eko irailak 18

Eusko Jaurlaritzak eta Bilboko Udalak Bilboko hiru auzotan babes ofizialeko 400 etxebizitza berri eraikitzea adostu dute gaur.

Higiezinen eragiketak aurten hasiko dira, eta 2016ra arte luzatu. Iturrigorri-Gardezabal, Arangoiti eta Txurdinaga auzoei eragingo diete. Horietan, Enplegu eta Gizarte Politiketako Sailak sustapen eta babes publikoko gutxienez 415 etxebizitza eraikiko ditu, bi erakundeek higiezinen ekimen publikoak sustatzeko hitzartutako lankidetza-politikaren barruan.

Eusko Jaurlaritzako Enplegu eta Gizarte Politiketako sailburu Juan Maria Aburtok eta Bilboko Udaleko jarduneko alkate Ibon Aresok etxebizitza publiko berriak eraikitzeari ekitea ahalbidetuko duen dokumentua sinatu dute gaur. Etxebizitzok eraikitzeko, bada, udalak lurzoruen hirigintza-eraikigarritasunaren % 15 doan lagako du aurrez.

Iturrigorri-Gardeazabal eremuan, 83 etxebizitza berri eraikiko dira. Lankidetza-akordioak bi esku-hartze aurreikusi ditu auzo horretan: batetik, sustapen eta babes publikoko 45 etxebizitza hartuko dituzten 3 eraikin; eta, bestetik, 38 etxebizitza babestu –udazkenean hasiko dira eraikuntza-lanak–. Lan horietarako aurrekontua 13.650.000 eurokoa da.

Arangoiti eremuan, 116 etxebizitza berri eraikiko dira. Hitzarmenak 60 zuzkidura-etxebizitza eraikitzeko lurzoru-lagapena eta hirigintza-eskubideak aurreikusi ditu, bai eta Plan Berezian aurreikusitako bi eraikin –sustapen publikoko 56 etxebizitza hartuko dituzte– eraikitzea ere. Lan horietarako aurrekontua 9.631.000 eurokoa da.

Azkenik, Txurdinaga auzoak 216 etxebizitza publiko berri izango ditu 2015etik aurrera. Urte horretan amaituko da, bada, 144 BOEren eta 72 etxebizitza tasaturen eraikuntza. Aurretik, Jesus Galindez kalea Sagardotegirekin eta Zubisiku bidearekin lotzeko oinezkoentzako bigarren sarbidearen lanak egingo dira.

Iruzkin bat
  • Faceless avatar thumb 70
    Zerbait esan nahi duzu?… iruzkindu albiste hau
  • 2013.eko irailak 19

    ¿Cuantas de ellas en régimen de alquiler?

Ekitaldiko kargudunak
(X legealdia 2012 - 2016)