Berriak Hezkuntza, Hizkuntza Politika eta Kultura

Dekretua, 3D animazioetako, jokoetako eta ingurune interaktiboetako goi mailako teknikari tituluari dagokion curriculuma ezarriko duena. (2013-06-18(e)ko Kointseiluan hartutako erabakia)

2013-06-18

LABURPENA

3D ANIMAZIOETAKO, JOKOETAKO ETA INGURUGUNE INETERAKTIBOETAKO GOI TEKNIKARIA

Gobernu Kontseiluak, Hezkuntza, Unibertsitate eta Ikerketa sailburuaren proposamenez, gaurko bileran onartu du 3D Animazioetako, Jokoetako eta Ingurune Interaktiboetako goi mailako teknikariaren tituluaren curriculuma zehazten duen dekretua.

Dekretu horren bidez 3D Animazioetako, Jokoetako eta Ingurune Interaktiboetako goi mailako teknikariaren tituluari, Irudi eta Soinua lanbide-arloan, dagozkion goi mailako Lanbide Heziketako irakaskuntzetarako curriculuma zehazten da Euskal Autonomia Erkidegoan.

Ikastetxeak, pedagogian eta antolaketan duen autonomiaren barruan, du ikastetxearen curriculum-proiektua zehaztearen ardura. Proiektu horretan behar diren erabakiak hartuko ditu ikastetxeak, irakaskuntzan egin beharreko lanari begira haren ezaugarriak eta identitatea konkretatzeko, baita modulu profesionalen programazioak egiteko irizpideak finkatzeko ere.

Ikastetxearen curriculum-proiektuaren barruan, irakasle-taldeak, zikloko arduradunek eta irakasle bakoitzak egin beharko dituzte programazioak, ezartzen diren helburu orokorrak kontuan hartuz, lanbide-modulu bakoitzak dituen ikaskuntzaren emaitzak eta edukiak errespetatuz eta, oso inportantea dena, irakaskuntzen erreferentzia den perfil profesionala euskarri gisa erabiliz.

Oraindik ez dago iruzkinik
Iruzkinak itxita daude dokumentu honetan