Berriak Eusko Jaurlaritza X. leg
Eu

Lehendakariak: «Euskadik akordioak behar ditu»

2013.eko maiatzak 10

Ekonomia suspertzeko eta enplegua sortzeko Jaurlaritzak zer neurri hartuko dituen galdetu diote Iñigo Urkullu lehendakariari gaur, gobernu-kontrolerako Eusko Legebiltzarrean egindako osoko bilkuran. Urkulluk gogorarazi duenez, alderdi politikoek dagoeneko ezagutzen dituzte ekimenok, eta Jaurlaritzak hurrengo egunetan jarriko ditu mahai gainean, lehendakariak eragile politikoekin izango dituen bileretan.  Iñigo Urkulluk berriro adierazi du gobernuak adostasunak bilatzen jarraituko duela, «Euskadik akordioak behar dituelako». Era horretan, Euskadik beharrezkoak dituen neurriak aurkezten jarraituko dituztela bermatu du.

Horretaz aparte, oposizioko taldeek egindako bestelako galderei ere erantzun die Urkulluk. Euskadirentzako estatus politiko berriaren inguruan egindakoaren kasuan, honela mintzatu da gaur goizean Eusko Legebiltzarrean: gobernuaren nahia batzorde txostengile bat eratzea da, «guztiok gai guztien inguruan hitz egin» eta «etorkizun berria» sortzeko aukera balia dezagun.

Jaurlaritzak inbertsio publikoekin duen konpromisoari dagokionez, Iñigo Urkulluk nabarmendu du «agintzea erabakitzea» dela eta Eusko Jaurlaritzak «pertsonen alde egitea» erabaki duela. Horregatik, hezkuntzaren arloan egindako ahaleginak mantendu dituztela gogoratu du, gizarte-babesari bideratutako laguntzei eta enplegu publikoari eusteari dagokienez, zehazki.

Espetxe-politikaren kasuan, berriz, lehendakariak esan du helarazi diola berriro ere Espainiako presidenteari espetxe-politika egungo gizarte-errealitatera egokitzeko beharra, bai eta esparru horretan adostasun batera iristeko aukera ere. Alor horretan, «jarrera zuhurra eta sentikorra» eskatu du.

** Iñigo Urkullu lehendakariak erantzun dituen galderak eta interpelazioa bideotan kontsulta daitezke

Gai-zerrenda:
1. Galdera, Amaia Arregi Romarate Euzko Abertzaleak taldeko legebiltzarkideak Herri Administrazio eta Justiziako sailburuari egina, Justizia Boterearen Kontseilu Nagusiarekiko etxegabetzeen gaineko hitzarmenari buruz. (10\10\05\01\0100)
2. Galdera, Julen Arzuaga Gumuzio EH Bildu taldeko legebiltzarkideak lehendakariari egina, espetxe-politikari buruz. (10\10\05\01\0095)
3. Galdera, José Antonio Pastor Garrido Euskal Sozialistak taldeko legebiltzarkideak lehendakariari egina, Eusko Jaurlaritzaren inbertsio publikoekiko konpromisoari buruz. (10\10\05\01\0096)
4. Galdera, Antonio Basagoiti Pastor Euskal Talde Popularreko legebiltzarkideak lehendakariari egina, estatus politiko berria delakoari buruz. (10\10\05\01\0101)
5. Galdera, Gorka Maneiro Labayen Mistoa-UPyD taldeko legebiltzarkideak lehendakariari egina, Espainiako Gobernuko presidentearekin egindako bilerari buruz. (10\10\05\01\0089)
6. Interpelazioa, Gorka Maneiro Labayen Mistoa-UPyD taldeko legebiltzarkideak lehendakariari egina, Euskadik behar dituen neurriak bultzatzeko egingo dituen ekintzei eta neurriok bete ahal izateko dituen babesei buruz. (10\10\04\01\0059)
7. Interpelazioa, José Antonio Pastor Garrido Euskal Sozialistak taldeko legebiltzarkideak lehendakariari egina, Legebiltzarraren renove planei buruzko agindua betetzeari buruz. (10\10\04\01\0060)
8. Galdera, Carmelo Barrio Baroja Euskal Talde Popularreko legebiltzarkideak lehendakariari egina, Kontsumobideren inpartzialtasunari buruzko zalantzen gainean. (10\10\05\01\0092)
9. Galdera, Bixen Itxaso González Euskal Sozialistak taldeko legebiltzarkideak Herri Administrazio eta Justizia sailburuari egina, Lanbideren lanpostuen zerrendari buruz. (10\10\05\01\0004)
10. Galdera, Daniel Maeztu Perez EH Bildu taldeko legebiltzarkideak Herri Administrazio eta Justiziako sailburuari egina, Administrazioaren Mahai Orokorrean jarraitutako irizpideei buruz onartutako legez bestekoaren inguruan. (10\10\05\01\0099)
11. Interpelazioa, Oskar Matute García de Jalón EH Bildu taldeko legebiltzarkideak Enplegu eta Gizarte Politiketako sailburuari egina, lan-harremanen euskal esparru propioa sustatzeari buruz. (10\10\04\01\0041)
12. Galdera, Txaro Sarasua Díaz Euskal Sozialistak taldeko legebiltzarkideak Enplegu eta Gizarte Politiketako sailburuari egina, enplegu babestuarentzako pizgarri eta laguntzei buruz. (10\10\05\01\0097)
13. Galdera, Gloria Sánchez Martín Euskal Sozialistak taldeko legebiltzarkideak Enplegu eta Gizarte Politiketako sailburuari egina, hitzarmen kolektiboetako ultraktibitateari buruz. (10\10\05\01\0098)
14. Galdera, Idoia Mendia Cueva Euskal Sozialistak taldeko legebiltzarkideak Ogasun eta Finantzetako sailburuari egina, Eusko Jaurlaritzaren IKT kudeaketa-eredu berriari buruz. (10\10\05\01\0082)
15. Galdera, Antonio Damborenea Basterrechea Euskal Talde Popularreko legebiltzarkideak Ogasun eta Finantzetako sailburuari egina, euskal sektore publikoaren partaidetza duten erakundeen erregimen ekonomiko-finantzarioa adosteko beste administrazio batzuekin hitzarmenak egiteari buruz. (10\10\05\01\0093)
16. Interpelazioa, Iñaki Oyarzabal de Miguel Euskal Talde Popularreko legebiltzarkideak Hezkuntza, Hizkuntza Politika eta Kulturako sailburuari egina, Euskal Autonomia Erkidegoan Erlijioa ikasgaiak duen tratamenduari buruzko Hezkuntza Sailaren politikaren gainean. (10\10\04\01\0036)
17. Interpelazioa, M.ª Isabel Celaá Diéguez Euskal Sozialistak taldeko legebiltzarkideak Hezkuntza, Hizkuntza Politika eta Kulturako sailburuari egina, hirueletasunean sartzeko asmoa duen aldaketei buruz. (10\10\04\01\0045)
18. Galdera, Estitxu Breñas González de Zárate EH Bildu taldeko legebiltzarkideak Hezkuntza, Hizkuntza Politika eta Kulturako sailburuari egina, hizkuntza-politika zeharkakoari buruz. (10\10\05\01\0063)
19. Galdera, Gorka Maneiro Labayen Mistoa-UPyD taldeko legebiltzarkideak Hezkuntza, Hizkuntza Politika eta Kulturako sailburuari egina, Euskal Telebistako eguraldi-mapari buruz. (10\10\05\01\0068)
20. Galdera, Gorka Maneiro Labayen Mistoa-UPyD taldeko legebiltzarkideak Hezkuntza, Hinkuntza Politika eta Kulturako sailburuari egina, hizkuntza-ereduak berraztertzeari buruz. (10\10\05\01\0094)
21. Interpelazioa, Gorka Maneiro Labayen Mistoa-UPyD taldeko legebiltzarkideak Osasuneko sailburuari egina, zenbait finantza-erakundek merkaturatutako Eroskiren eta Fagorren mendeko finantza-ekarpenek eragindakoentzako irtenbideei buruz. (10\10\04\01\0055)
22. Interpelazioa, Txaro Sarasua Díaz Euskal Sozialistak taldeko legebiltzarkideak Osasuneko sailburuari egina, Kontsumobideko zuzendariak Eroskiren eta Fagorren mendeko finantza-ekarpenei buruz egindako adierazpenei buruz. (10\10\04\01\0056)
23. Interpelazioa, Igor López de Munain EH Bildu taldeko legebiltzarkideak Osasuneko sailburuari egina, Eroskiren eta Fagorren mendeko finantza-ekarpenei buruz Legebiltzarrean onartu zen legez besteko proposamenaren harira. (10\10\04\01\0061)
24. Interpelazioa, Nerea Llanos Gómez Euskal Talde Popularreko legebiltzarkideak Ingurumen eta Lurralde Politikako sailburuari egina, Metro Bilbaoren 3. lineari buruz. (10\10\04\01\0058)
25. Galdera, Francisco de Borja Semper Pascual Euskal Talde Popularreko legebiltzarkideak Ingurumen eta Lurralde Politikako sailburuari egina, Euskadiko abiadura handiko trenaren obren amaierari buruz. (10\10\05\01\0021)
26. Galdera, Marian Beitialarrangoitia Lizarralde EH Bildu taldeko legebiltzarkideak Ingurumen eta Lurralde Politikako sailburuari egina, "Durango operazioari" lotutako oinezko pasabideak egitearen inguruan. (10\10\05\01\0090)

Iruzkin bat
  • Faceless avatar thumb 70
    Zerbait esan nahi duzu?… iruzkindu albiste hau
  • @EmpreSEA
    2013.eko maiatzak 10

    Comentario de Twitter:
    RT @Irekia_News: Lehendakari: “Euskadi necesita acuerdos en positivo”. http://t.co/rYVCiyS27N

Ekitaldiko kargudunak
(X legealdia 2012 - 2016)