Berrikuntza Soziosanitarioari buruzko I. Etorbizi topaketaren 2. jardunaldia

Atzo hasi eta bihar arte Bilboko Euskalduna Jauregian ospatuko den biltzarraren helburua da ezgaitasunaren, kronikotasunaren, menpekotasunaren eta zahartzearen arretarako berrikuntza soziosanitarioan interesa duten edo esku hartzen duten eragileak biltzea, ezagutza eraiki eta gure jardun eremuan sare bat sortzeko balioko duen topaketa batean.

Javier Benito izan da topaketaren bigarren jardunaldia aurkezteko eta horren aurrerapena egiteko arduraduna.

Ondoren, Helena Sotelok Helen Dickinsonen “Arlo soziosanitarioaren azterketa eta perspektibak nazioartean” hitzaldia aurkeztu du.

Jarraian, Demetrio Casadok honako gaiari buruz hausnartu du: “Osasun sistema publikoen eta gizarte zerbitzuen arteko konbergentzia. Berrikuntza soziosanitarioaren eta ongizate sistemaren etorkizuna”.

Atseden labur bat egin eta gero, Inma Uzkudunek “Sektoreen eginkizuna eta erronkak, koordinazio eta berrikuntza soziosanitarioan” mahai-ingurua moderatu du. Bertan, Roberto Nuñok, Mayte Sanchok eta Rafael Pinillak parte hartu dute. Bukatzeko, arratsaldean aldi bereko komunikazio mahaiak garatu dira.