Berriak Justizia eta Herri Administrazioa
Eu

Onartu da administrazio publikoetako aplikazio informatikoen irekitze eta berrerabilpenaren dekretua (2012-07-24(e)ko Kointseiluan hartutako erabakia)

2012.eko uztailak 24

Dekretua, Euskal Autonomia Erkidegoko aplikazio informatikoak ireki eta berrerabiltzea arautzen duena.

Euskal administrazio publikoek beren kabuz edo beste batzuen bitartez garatzen dituzten aplikazio informatikoak beste batzuen eskura jartzea ahalbidetzen duen dekretua onartu du Jaurlaritzaren Kontseiluak. Horrela, Euskadik punta-puntako lekua hartu du software librearen garapenean, eta irekieraren printzipio orokorra ezarri du, ez bakarrik administrazio elektronikoaren esparruan, baita euskal administrazioaren jabetzapeko edozein aplikazio informatikorenean ere.

Orain arte, edozein erakundek, oro har, garatutako aplikazio informatikoak jabeak besterik ez zituen ezagutzen eta hark erabiltzeko moduan besterik ez ziren egoten; beste edozeinek erabiltzeko aukerak oso murritzak ziren.

Hemendik aurrera, paradigma aldatuko da, aplikazio guztiak irekiak izango baitira eta, hortaz, berrerabilgarriak, segurtasun-arrazoiak edo sektore publikoaren eta pribatuaren arteko lankidetza-akordioak tartean ez baldin badaude.

Dekretu hau onartuta, Eusko Jaurlaritza birziklatzearen 3 urrezko arauak informatikari aplikatzen ari dela esan dezakegu:

- Murriztu egingo da antzeko aplikazioen kopurua.
- Berrerabili egingo dira aplikazio informatikoak edo haien osagaiak.
- Birziklatu egingo dira osagai horiek, beste helburu batzuetarako aplikazioak sortzeko edo, baita beste sektore ekonomiko batzuetarako ere.

Halaber, euskal administrazioak areagotu egingo du baliabide publikoak modu arrazionalean erabiltzeko hartutako erabakia, dagoeneko badagoena erabiltzera behartuko baitu bere burua, helburu hauekin: kostuak murriztea eta baliabide horiek kudeaketa publikoari benetako balio erantsia ematen dioten prozesuetan erabili ahal izatea.

Dekretuak, sektore publikoarentzako aplikazio informatikoak egiten dituztenen lehiakortasuna, kalitatea eta eraginkortasuna sustatzeaz gain, produktu eta zerbitzu berriak garatzea eta, hortaz, enplegua sortzea ahalbidetuko du epe ertain eta luzera.

Dekretu hau egiteko, hainbat erakunderen lankidetza izan du Eusko Jaurlaritzak: Euskal Autonomia Erkidegoko sektore publikoa osatzen duten erakunde guztiena, Euskadiko IKTen sektoreko sona handiko solaskideena (GAIA-IKTen klusterra eta ESLE-Euskadiko Software Libreko Enpresen Elkartea. Hain zuzen ere elkarte horrekin lankidetza-hitzarmen bat sinatu zen legegintzaldiaren hasieran), eta, batez ere, CENATIC fundazioarena (iturri irekietako IKTen erreferentziazko zentro nazionala da, eta Eusko Jaurlaritza da bertako patronatukideetako bat).

6 iruzkin
  • 2012.eko abuztuak 01

    Que lastima!! Cuando las empresas están abandonando los desarrollos propios y confiando en la industria del software nuestros gobiernos quieren volver a la artesanía, claro como es con nuestro dinero. Luego se quejarán de que la industria vasca del software ha desaparecido

  • @azlinuxzgz
    2012.eko uztailak 25

    Comentario de Twitter:
    Good news @saleuskadin: http://t.co/7u5ocbVA Aprobado el Decreto para la apertura y reutilización de las apps informáticas de las AAPP

  • @eduromo
    2012.eko uztailak 25

    Comentario de Twitter:
    Good news @saleuskadin: http://t.co/SzumT521 Aprobado el Decreto para la apertura y reutilización de las apps informáticas de las AAPP

  • @saleuskadin
    2012.eko uztailak 25

    Comentario de Twitter:
    http://t.co/IvBOupFE Aprobado el Decreto para la apertura y reutilización de las aplicaciones informáticas de las administraciones públicas

  • @saleuskadin
    2012.eko uztailak 25

    Comentario de Twitter:
    http://t.co/2CydPYkk Onartu da administrazio publikoetako aplikazio informatikoen irekitze eta berrerabilpenaren #dekretua #SoftwareAskea

  • @ugutz
    2012.eko uztailak 25

    Comentario de Twitter:
    Aprobado el Decreto para la apertura y reutilización de las aplicaciones informáticas de las adm. public. de Euskadi http://t.co/DBVMfaBB

Iruzkinak itxita daude dokumentu honetan