Berriak Industria, Berrikuntza, Merkataritza eta Turismoa

Ehun enpresa inguru bildu dira Goierrin, gastronomiari lotutako turismo eskaintza bateratua saldu nahian

2012-06-21

Ø      Gaur Ordizian Euskadi gastronomia marka aurkeztu du Merkataritza eta Turismo sailburuordeak, Pilar Zorrillak.

Ø      Eskualde gipuzkoarrak “Gastronomiari lotutako Produktu Kluba” du dagoeneko, Eusko Jaurlaritzak, Basquetourren bidez, eta Goiturrek, eskualdeko turismo agentziak, inguru horretan gastronomia sustatzeko asmoarekin sortutako eragile publiko eta pribatuen elkartea, hain zuzen ere.

Gaur goizean, Merkataritza eta Turismo sailburuordeak, Pilar Zorrillak Euskadiko gastronomia marka ezagutarazi du, Goierriko “Gastronomiari lotutako turismo produktuaren Klubaren” aurkezpenean, Ordizian. Gastronomia, turismo produktu gisa, euren eskualdean sustatzeko helburua duten ehunen bat eragile publiko eta pribatuen elkartea da, Eusko Jaurlaritzak, Basquetour- Turismoaren Euskal Agentziaren bidez, eta Goiturrek, Goierriko Turismo Agentziak bultzatuta.  Honek esan nahi du ehun enpresa hauek gastronomiari lotutako turismo eskaintza bateratua saltzeko biltzen direla.Arabako Errioxako Ardoaren Ibilbidearekin batera, Euskadin sortutako lehen gastronomia klubak dira.

 

Produktu klubak Eusko Jaurlaritzaren Gastronomia sustatzeko Plangintzan ezarritako baliabide estrategikoak dira, gastronomian indarra duten eskualdeetan turismo produktu gisa garatzeko, Goierriren kasuan bezala.

 

Gaur egunera arte, klubaren sormena gastronomiaren sustapenerako eskualde gipuzkoarran emandako pausurik garrantzitsuena da. Hala ere, 2012an zehar, antolaketarekin, kudeaketarekin, turismo produktu eta esperientziekin, eta turismo marketinarekin lotutako ekintzak garatuko dira. Hauen helburua, eskualdeko gastronomia turismoarekin zerikusia duten ekintza guztiak egituratzea, produktuaren egitura, kudeaketa eta sustapenerako metodologia bat jartzea, eragile publiko eta pribatuen arteko harremanak indartzea eta Goierri marka gastronomiaren munduan sustatzea da.

Oraindik ez dago iruzkinik
Iruzkinak itxita daude dokumentu honetan
Ekitaldiko kargudunak
(IX legealdia 2009 - 2012)