Bilboko Arte Ederren Museoak Ikuspuntuak III. Voices aurkeztu du, ikus-entzunezkoaren proiektuaren hirugarren eta azken denboraldia
Lehendakariorde Bengoetxeak azpimarratu du museoek begirada berriei ateak irekitzeak artea gizartearekin konektatzeko aukera ematen duela
Arte Ederren Bilboko Museoak gaur aurkeztu du Ikuspuntuak III. Voices, 2021ean abiatu zen ikus-entzunezkoaren proiektuaren hirugarren eta azken denboraldia. Ekimenak museoko bildumara hurbiltzeko modu berriak proposatzen ditu, gure testuinguruari lotutako zortzi emakume artistaren lanak hainbat gizarte-kolektiboren begiradekin elkarrizketan jarriz.
Proiektua Tamara García Iglesiasek zuzendu du, eta museoko Hezkuntza eta Ekintza Kulturaleko Sailarekin elkarlanean garatu da, BBK Banku Fundazioaren laguntzarekin. Horrela, trilogia osatu da guztira 24 bideorekin: Gorputzak (2021), Ellas (2023) eta Voices (2026).
Aurkezpenean, Kultura eta Hizkuntza Politikako sailburu eta lehendakariorde Ibone Bengoetxeak nabarmendu du ikus-entzunezkoek arte-lanekin harremanak sortzeko modu berriak eskaintzen dituztela, eta azpimarratu du Ikuspuntuak bezalako proiektuek museoen, artisten eta gizartearen arteko lotura indartzen dutela.
