Berriak
Eu

Euskal enpresek erreklamazio-orriak online erosteko aukera dute

2012.eko maiatzak 10

Enpresek eta merkataritza-establezimenduek kontsumitzaile eta erabiltzaileen eskura izan behar dituzte erreklamazio-orriak. Kontsumobidek eginbehar hori betetzen laguntzeko jarri du abian zerbitzua.

 

Kontsumobidek (Kontsumoko Euskal Institutua), Eusko Jaurlaritzako Argitalpen Zerbitzu Nagusiak lagunduta, zerbitzu berri bat abiarazi du Euskadiko enpresek eta merkataritza-establezimenduek erreklamazio-orriak online erosteko.

Euskadin ondasunak merkaturatu edo zerbitzuak ematen dituzten pertsona fisiko eta juridiko guztiek (saltokiak, tabernak, jatetxeak, banku-erakundeak, aseguru-etxeak, gremioak...), etxez etxeko zerbitzua ematen dutenek barne, erreklamazio-orriak izan behar dituzte kontsumitzaileen eta erabiltzaileen eskura. Erreklamazio-orririk ez izatea edo kontsumitzaileei eman nahi ez izatea zigortu daitekeen arau-haustea da.

Erreklamazio-orriak online erosteko zerbitzu honekin, inprimakien beharra izanez gero, enpresek ez dute ohiko saltokietara joaten ibili beharko. Izan ere, saltoki txikien kasuetan batez ere, inprimakien bila joateak etena ekarri dezake enpresa horien jardueran.

Hala ere, Kontsumobideren hiru lurralde-zerbitzuek (Araba, Bizkaia eta Gipuzkoa) eta Eusko Jaurlaritzako Argitalpen Zerbitzu Nagusiak beren bulegoetan bertan jarraituko dute, orain arte bezala, erreklamazio-orriak erosteko aukera ematen.

Betiere, inprimakiak eskuratzeko tasa txiki bat ordaindu behar dute enpresa eskatzaileek: 6,25 € (40 inprimakiko pakete bakoitzeko).

 

Informazio gehiago:

- Erreklamazio-orria. Gogoetak enpresen ikuspuntutik.

Oraindik ez dago iruzkinik
Iruzkinak itxita daude dokumentu honetan