Euskadik suteen aurkako helikopteroaren laguntza eskaini du Gaztela eta Leongo iparraldeko suteak itzaltzen laguntzeko

Euskadiko erakundeek, Eusko Jaurlaritzak eta hiru foru aldundiek gaur eskaini dute suteen aurkako helikopteroa, Gaztela eta Leongo iparraldeko suteak itzaltzen laguntzeko. Espainiako Gobernuko Barne Ministerioak Asturias, Galizia, Gaztela eta Leon eta Extremadurari eragiten dieten suteak itzaltzen laguntzeko aireko baliabideen laguntza eta disponibilitatea eskatu ditu gaur goizean.

Euskadik berehala erantzun du eta iaz Arabako, Bizkaiko eta Gipuzkoako Foru Aldundien eta Eusko Jaurlaritzaren artean kontratatu zuen, eta gaur egun Langraiz Okako suhiltzaileen parkean dagoen, suteak itzaltzeko helikopteroaren laguntza eskaini du.

Euskadi abisu horian dago baso-suteen arriskuagatik, bertako 00:00etatik 24:00etara, tenperatura altuak, hezetasun erlatibo txikia eta hegoaldeko haizearen intentsitatea direla eta. Egoera hori, gutxienez, datorren astelehenera arte mantentzea aurreikusten da. Hori dela eta, helikopteroaren eskaintza gertuen dauden suteetarako da, hala nola Gaztela eta Leongo iparralderako.

Barne Ministerioaren erantzunaren zain, helikopteroa prest dago berehala aireratzeko, esku hartzeko agindua jaso bezain laster.